Abmiežavalnyja miery pryniaty ŭ miežach usiaho horada.
U Pinsku abviaścili karancin z-za amierykanskaha biełaha matylka, piša BiełTA.
Abmiežavalnyja miery pryniaty ŭ miežach usiaho horada. Śpiecyjalisty praviaduć karancinnyja fitasanitarnyja mierapryjemstvy pa łakalizacyi i likvidacyi ačahoŭ pražerlivaha škodnika.
Miascovyja ŭłady zaklikajuć pradpryjemstvy, indyvidualnych pradprymalnikaŭ i žycharoŭ abśledavać svaje ziamielnyja ŭčastki i terytoryi. Pry vyjaŭleńni ačahoŭ matylkoŭ treba zrabić zachady pa ich łakalizacyi i likvidacyi.
Amierykanski bieły matylok mihruje samastojna, a taksama pieramiaščajecca transpartam, jaki pieravozić raślinnuju i pramysłovuju pradukcyju. Hety invaziŭny vid paškodžvaje bolš za 250 vidaŭ vidaŭ dreŭ i raślin. Najbolš lubić klon jasieniavy i pładovyja drevy, u tym liku šaŭkoŭnicu, jabłyniu, ałyču, ślivu.
Pavucinievyja hniozdy z kałonijami husienic — charakternaja prykmieta ačaha amierykanskaha biełaha matylka. Spačatku mohuć być aplecieny niekalki listočkaŭ, paźniej — cełaja halinka. Razrastajučysia, hniozdy mohuć dasiahać 1-1,5 m, a časam i zachoplivać «u pałon» cełyja drevy.
Vyjaŭlenyja hniozdy z husienicami treba zrazać i spalvać na miescy.
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie4
Kamientary