Sinoptyk Dźmitryj Rabaŭ u efiry telekanała ANT zrabiŭ prahnoz nadvorja ŭ Biełarusi na siaredzinu žniŭnia 2025 hoda. Jon kaža, što nadvorje hetym razam budzie typovym dla biełaruskaha leta — ciopłym, soniečnym, ź niekatorymi karotkačasovymi daždžami.
U pačatku tydnia, z 11 pa 17 žniŭnia, nadvorje budzie pad upłyvam atmaśfiernych frantoŭ z zachodniaj Jeŭropy. U noč na 11 žniŭnia prahnazujucca daždžy pa ŭsioj Biełarusi, udzień doždž budzie tolki na paŭnočnym uschodzie, časam z navalnicami. Tempieratura nočču składzie kala 11-17 hradusaŭ, udzień paciapleje da 18-23 hradusaŭ.
U aŭtorak nadvorje źmianicca, źjavicca antycykłon, tamu daždžoŭ budzie mała abo nie budzie zusim. Nočču čakajecca 9-14 hradusaŭ, udzień — 19-24 hradusy, mahčymy tuman ranicaj i ŭnačy.
U sieradu stanie krychu ciaplej — ad 23 da 28 hradusaŭ.
U druhoj pałovie tydnia nadvorje budzie taksama ciopłym i kamfortnym. U čaćvier nočču 10-15 hradusaŭ, udzień u Viciebsku kala 24, a ŭ Breście da 33 hradusaŭ. U piatnicu tempieratura budzie vahacca ad 19 na paŭnočnym zachadzie da 27 hradusaŭ na poŭdni krainy.
Na vychadnych nadvorje budzie pieramiennym, z łakalnymi daždžami i navalnicami, ale ŭsio adno davoli ciopłym. Nočču i ranicaj čakajecca tuman, vilhotnaść da 80%, tempieratura ŭnačy 11-17 hradusaŭ, udzień u subotu — 19-24, u niadzielu — 22-26 hradusaŭ.
Takim čynam, siaredzina žniŭnia budzie ŭ Biełarusi kamfortnaj i ciopłaj, z typovym letnim nadvorjem.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?6
Kamientary