U Viciebsku praz 25 hadoŭ raskryli zabojstva valutčyka i jaho žonki
U Viciebsku raskryta rezanansnaje złačynstva 1999 hoda: dvoje maładych mužčyn zabili 37-hadovaha valutčyka i jaho žonku. Złačyncy vynieśli zołata, valutu. Praz 25 hadoŭ śledstva ŭstanaviła zabojcaŭ.
Pavodle źviestak śledstva, dniom 13 śniežnia 1999 hoda dvoje maładych ludziej, 19 i 21 hoda, u stanie ałkaholnaha apjanieńnia, pryjšli dadomu da 37-hadovaha znajomaha. Pad vyhladam abmienu valuty mužčyny patrapili ŭ kvateru. Tam nanieśli mužčynie ŭdar nažom i pačali patrabavać hrošy.
Žychar Viciebska admoviŭsia addavać nazapašanaje, staŭ kryčać i ŭciakać. Tady raźjušanyja hości na vačach u žonki pačali źbivać achviaru, nanosiačy šmatlikija nažavyja ranieńni.
Kali haspadar kvatery pierastaŭ padavać prykmiety žyćcia, tavaryšy pieraklučylisia na jaho žonku.
Napałochanaja žančyna prasiła nie zabivać jaje, pieradała napadnikam častku hrošaj, adnak tyja zarezali i jaje.
Zdabyčaj zabojcaŭ stali załatyja juvielirnyja vyraby, źniatyja ź cieła zabitaj žančyny, hrašovyja srodki ŭ roznych valutach na ahulnuju sumu bolš za 1,2 miljarda niedenaminavanych rubloŭ, hamaniec i blašanka raspuščalnaj kavy.
Hrošy pajšli na nabyćcio muzyčnaha centra i dvuch aŭtamabilaŭ — «Maskvič» i BMW (padčas sumiesnaj pajezdki na inšamarcy jany trapili ŭ DTZ — paškodžany aŭtamabil daviałosia pradać pa častkach).
Cieły zabitych nieŭzabavie znajšli miascovyja žychary, što pryjšli abmianiać valutu.
Sudova-miedycynskija ekśpiertyzy pakazali, što śmierć mužčyny nastupiła ŭ vyniku 27 nažavych ranieńniaŭ, žančyna pamierła ad 110 nažavych ranieńniaŭ.
U 2024 hodzie śledčyja ź milicyjaj zmahli ŭstanavić padazravanych. Mužčyny pryznalisia.
Pa vynikach rasśledavańnia 45 i 47-hadovym žycharam Viciebska pradjaŭleny abvinavačvańni za rabavańnie, ździejśnienaje pa papiaredniaj zmovie hrupaj asob, i za zabojstva dźviuch asob z asablivaj žorstkaściu.
Cichanoŭski prapanavaŭ radykalna pierahledzieć stratehiju dla Biełarusi36
Cichanoŭski prapanavaŭ radykalna pierahledzieć stratehiju dla Biełarusi
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2525
Kamientary
Nie vižu smysła mientam vorošiť 20 letnije visiaki prosto tak. Tie kto tohda rabotał užie na piensii . A za staryje visiaki tiepieriešnich mientov nie nakazyvajut .Skorieje vsieho ubijcy probołtaliś po ṕjankie.
Śledy krovi/koži/vołos priestupnika, obnaružiennyje na miestie priestuplenija - łožatsia v osnovu obvinienija, a priznanije - eto dopołnitielnyj plus.