Praz rasijska-biełaruskija vajskovyja vučeńni Litva zakryła pavietranuju prastoru na miažy ź Biełaruśsiu
Litva zakryła pavietranuju prastoru na častcy miažy ź Biełaruśsiu, piša LRT. Zabaranić paloty nad častkaj pryhraničnaj terytoryi płanujecca da 1 kastryčnika.
Biaśpieka pavietranaj prastory była ŭzmocnienaja paśla dvuch incydentaŭ u lipieni, kali ŭ prastoru krainy ŭvarvalisia dva rasijskija drony.
Jak paviedamiła BNS Ministerstva abarony, takoje rašeńnie pryniało Ministerstva transpartu na prośbu ad hałoŭnakamandujučaha vojskam.
«Heta było zroblena z ulikam situacyi ź biaśpiekaj i pahroz, jakija ŭźnikajuć dla hramadstva, uklučajučy ryzyki dla hramadzianskaj avijacyi z-za parušeńniaŭ pavietranaj prastory bieśpiłotnikami, a taksama z ulikam nieabchodnaści stvaryć adpaviednyja ŭmovy dla vykanańnia Litoŭskim vojskam vyznačanych zakonam zadač u mirny čas pry reahavańni na takija i padobnyja parušeńni pavietranaj prastory», — havorycca ŭ kamientary ministerstva.
Častka pavietranaj prastory na miažy ŭžo zakrytaja ź minułaj sierady. Paloty ŭ zabaronienych zonach mahčymyja tolki ŭ vyklučnych vypadkach i tolki paśla atrymańnia dazvołu ad hałoŭnakamandujučaha Litoŭskaha vojska.
Zabaranić paloty nad častkaj pryhraničnaj terytoryi płanujecca da 1 kastryčnika.
«Moža być padaŭžeńnie zabarony, kali pahroza praniknieńnia bieśpiłotnikaŭ u pavietranuju prastoru Litvy nie pamienšycca», — havorycca ŭ kamientary, jaki pieradaje BNS.
Ahulnaja daŭžynia miažy Litvy ź Biełaruśsiu składaje 679 kiłamietraŭ. U jakoj mienavita častcy pavietranaja prastora zakryta — nie ŭdakładniajecca.
Pavodle litoŭskaha boku, adzin z dronaŭ, jaki ŭlacieŭ u Litvu ź Biełarusi, nios dva kiłahramy vybuchoŭki.
Pradstaŭniki vojska śćviardžajuć, što abodva latalnych aparaty trapili ŭ Litvu, bo na šlachu z Rasii va Ukrainu ich trajektoryja palotu była źbita srodkami radyjoelektronnaj baraćby.
Hetyja incydenty prymusili litoŭskich čynoŭnikaŭ bolš surjozna pastavicca da pavietranaj abarony. Pa dadatkovyja mahčymaści supraćdronavaj abarony taksama źviarnulisia ŭ NATA.
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier1
Kamientary