Žuraviny — na mors, kitajski vinahrad — na desiert: što ŭziać na Kamaroŭcy ŭ hetyja vychadnyja
Na Kamaroŭcy, jak zaŭsiody, śviata ŭradžaju. Na pryłaŭkach i zvykłyja barščavyja nabory, i ekzotyka kštałtu kitajskaha muskata. Što kolki kaštuje, pacikavilisia Minsk-naviny.
U sadavinie vočy raźbiahajucca. Jabłyki — ad prostych sadovych pa 4,9 rubla za kiłahram da bujnych, bliskučych — pa 8 rubloŭ. Hrušy — ad 9,9, a vinahrad — na luby hust i kašalok: ad ścipłaha kišmiša za 4,9 da pryhožych, miasistych hronak pa 14,9 rubla i vyšej.
Kitajski muskat znoŭ u modzie — pradaŭcy zapeŭnivajuć, što siezon u samym soku. Za kiłahram ekzotyki prosiać 12,9.
— Heta nie prosta vinahrad, heta desiert, — z uśmieškaj adznačyŭ pradaviec, prapanoŭvajučy pasprabavać śpiełuju jahadku. — Biaruć i na śviaty, i prosta pačastavać siabie.
Na pryłaŭkach možna znajści i niektaryny pa 4,9 rubla. Fiejchoa, jakuju pakupniki ŭžo daŭno acanili za cierpki smak i karyść, možna znajści pa 9,9. Jość i avakada, akuratnyja zialonyja płady pa canie ad 2,9 rubla.
Ślivy — ad 2,9, hranat — ad 5,9 da 35 rubloŭ. Apielsiny i mandaryny — ad 9,9, kivi — ad 8,9. Limony, jak zaŭsiody, z roźnicaj: ad 10 da 30 rubloŭ za kiłahram. Churmu možna nabyć za 8,9.
Pryłaŭki ź jahadami radujuć nie mienš. Paŭlitrovy słoik žuravin — za 5 rubloŭ, taki ž abjom bruśnic pradajuć pa 15. Kiłahram śviežaj ablapichi — 20 rubloŭ.
Čarnicy — ad 31,9 rubla za kiłahram. Paradavać siabie kiłahramam malinaŭ možna za 20 rubloŭ.
Što datyčycca samaj papularnaj u Biełarusi harodniny, to bulba kaštuje ad 1,29, cybula — ad 1,5 rubla za kiłahram. Morkva, buraki i kapusta — ad 0,99. Ahurki — ad 5,49, bakłažany — ad 2,99. Ceny na pierac vahajucca ad 2,5 da 9,9 rubla. Pamidory pradajuć ad 1,99 da 15 rubloŭ i jašče vyšej prosiać za čery.
Ceny na śviežuju zielaninu trymajucca na ŭzroŭni 1,5 rubla za 100 hramaŭ. Heta datyčycca kropu, piatruški, sałaty. Hrybny siezon praciahvaje radavać minčukoŭ: šampińjony — pa 10,5 rubla, lisički— za 25, u pryvatnikaŭ možna znajści na 5 rubloŭ tańniej.
Šmat chto z pradaŭcoŭ źbiraje hryby sam, vychodzić z dośvitkam i da pačatku pracoŭnaha dnia ŭžo staić na pryłaŭku.
— Ludzi biaruć aktyŭna, i pasmažyć, i na zamarozku, — padzialiŭsia mužčyna za pryłaŭkam.
Na rybnych šerahach usio stabilna: karp — pa 8,47 rubla, karaś — 5,25, taŭstałobik — 4,97.
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča12
Kamientary