Hazapierapracoŭčy zavod u Arenburhu spyniŭ pryjom syraviny z Kazachstana paśla ŭdaru dronami
Arenburhski hazapierapracoŭčy zavod spyniŭ pryjom syroha hazu z kazachstanskaha radovišča Karačahanak z-za avaryjnaj situacyi, jakaja adbyłasia ŭ vyniku ataki BPŁA, pieradaje Tengrinews.kz sa spasyłkaj na pres-słužbu Ministerstva enierhietyki Kazachstana.
Pavodle vydańnia, infarmacyja pra charaktar paškodžańniaŭ i terminy adnaŭleńnia pracy zavoda rasijskim bokam pakul nie padadziena.
U pres-słužbie Ministerstva enierhietyki Kazachstana adznačyli, što «hazazabieśpiačeńnie Kazachstana nie zakranuta, haz unutranym spažyŭcam padajecca ŭ štatnym režymie, bieź jakich-niebudź abmiežavańniaŭ», pytańni, źviazanyja ź pierapracoŭkaj karačahanakskaj syraviny i mahčymym upłyvam na naftazdabyču, znachodziacca ŭ prapracoŭcy.
«Pra acenku patencyjnych strat i dalejšych dziejańniaŭ budzie paviedamlena dadatkova. Ministerstva enierhietyki trymaje situacyju na kantroli i znachodzicca ŭ pastajannym uzajemadziejańni z rasijskim bokam i apieratarami radovišča», — havorycca ŭ paviedamleńni.
Arenburhski hazapierapracoŭčy zavod — adno z najbujniejšych pradpryjemstvaŭ u Rasii, jakoje zajmajecca kompleksnaj pierapracoŭkaj pryrodnaha hazu, uvachodzić u skład Arenburhskaha hazazdabyvalnaha kompleksu.
Zavod maje važnaje značeńnie dla Kazachstana, pakolki zajmajecca ačystkaj i pierapracoŭkaj značnaj častki syroha hazu i kandensatu, zdabytaha na bujnym Karačahanakskim radoviščy. Prypynieńnie pracy AHPZ, jak praviła, patrabuje ad apierataraŭ Karačahanaka časovaha skaračeńnia zdabyčy.
U noč na 19 kastryčnika ŭkrainskija bieśpiłotniki atakavali Arenburhski hazapierapracoŭčy zavod. Pavodle paviedamleńnia hubiernatara vobłaści Jaŭhiena Soncava, častkova paciarpieła infrastruktura zavoda.
«Paciarpiełych siarod supracoŭnikaŭ pradpryjemstva niama. Pahrozy nasielenamu punktu abjekt nie niasie», — zajaviŭ hubiernatar.
U Hienštabie Ukrainy paćvierdzili ŭdar pa hazapierapracoŭčym zavodzie, a taksama pa NPZ u Samary.
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam7
Kamientary
[Zredahavana]