Žurnalisty padličyli, kolki spatrebiłasia b času Rasii pry ciapierašnich tempach na poŭnuju akupacyju Ukrainy

Pa padlikach vydańnia The Economist, pry zachavańni ciapierašnich tempaŭ Rasija mahła b akupavać całkam Łuhanskuju, Danieckuju, Chiersonskuju i Zaparožskuju vobłaści Ukrainy da červienia 2030 hoda, a kab zachapić usiu Ukrainu, joj spatrebiłasia b jašče 103 hady.

«Z momantu stabilizacyi linii frontu paśla zakančeńnia pieršaha kontrnastupleńnia Ukrainy ŭ kastryčniku 2022 hoda jana praktyčna nie źmianiłasia. Nivodny bujny horad nie pierajšoŭ z ruk u ruki.

Pa tempach apošnich 30 dzion, zachop taho, što zastałosia ad čatyroch rehijonaŭ, na jakija ŭžo pretenduje Pucin — Łuhanskaj, Danieckaj, Chiersonskaj i Zaparožskaj abłaściej — zojmie čas da červienia 2030 hoda. Kab Rasija akupiravała ŭsiu Ukrainu, spatrebicca jašče 103 hady», piša vydańnie. 

Pa padlikach The Economist, z traŭnia hetaha hoda, kali Rasija pačała maštabnaje nastup na froncie, jana zachapiła tolki 0,4% ukrainskaj terytoryi i nie dasiahnuła nijakich surjoznych met.

Jak havorycca ŭ materyjale, Rasija płacić vializnuju canu za minimalnyja dasiahnieńni na poli boju.

«Naša acenka śviedčyć, što z pačatku poŭnamaštabnaha ŭvarvańnia da studzienia hetaha hoda rasijskija straty skłali 640 000 — 877 000 sałdat, ź jakich 137 000 — 228 000 zahinuli. Da 13 kastryčnika hetyja ličby pavialičylisia amal na 60%, ad 984 000 da 1 438 000 strat, u tym liku ad 190 000 da 480 000 zahinułych», — piša vydańnie.

Straty Rasii nie pryviali da adpaviednaha pavieličeńnia zachoplenych terytoryj. Z momantu stabilizacyi linij frontu paśla zakančeńnia pieršaha kontrnastupleńnia Ukrainy ŭ kastryčniku 2022 hoda jany amal nie zrušylisia ź miesca.

Pavodle acenki vydańnia, raptoŭny praryŭ abarončych linij Ukrainy małavierahodny, pakolki «pastajannaje nazirańnie z dapamohaj dronaŭ u spałučeńni z vysokadakładnym uzbrajeńniem vialikaj dalokaści robić zasiarodžvańnie vojskaŭ pablizu frontu samahubstvam». Pry hetym pastupovyja pośpiechi zastajucca mahčymymi — choć i za vializnuju canu — šlacham adpraŭki nievialikich hrup bajcoŭ u «zonu śmierci» dla zachopu pieradavych pazicyj.

 «Kali Zachad praciahnie padtrymlivać Ukrainu, vajna moža praciahvacca ź vializnymi stratami, a Rasija budzie pavolna zavajoŭvać terytoryju.

Ale zdolnaść Rasii praciahvać vajnu ŭ siońniašnim tempie taksama moža padychodzić da kanca. I kali Pucin budzie nastojvać na praciahu vajny, jon ryzykuje jašče bolš. Paśla troch hadoŭ niaŭdałych nastupalnych apieracyj raptoŭny krach moža stać bolš vierahodnym dla rasijskaj vajskovaj ekanomiki, čym dla abarončych linij Ukrainy», — piša vydańnie.

• 1
• 0
• 2
• 0
• 0
• 0
• 0
• 0