U Łahojskim rajonie pradajuć bazu adpačynku za 3,2 miljona dalaraŭ
Za 70 kiłamietraŭ ad Minska pradajecca dziejnaja baza adpačynku. Šykoŭny zaharadny kompleks «Chleb&Soul» pabudavali pad Pleščanicami ŭ 2022‑m hodzie. Rady novych draŭlanych damkoŭ raźmiaścilisia na bierazie voziera Karhaŭščyna. Baza adpačynku prapanuje charčavańnie i raznastajnyja zabavy: ad rybałki da kvadracykłaŭ. Prytym ceńnik za jaje niemaleńki: bazu hatovyja addać za 3,2 miljona dalaraŭ. Realt.by raskazaŭ, što atrymaje pakupnik za hetyja hrošy.
Zaharadny kompleks «Chleb&Soul» znachodzicca ŭ Łahojskim rajonie Minskaj vobłaści, na paŭnočny zachad ad vioski Akałova. Pobač — malaŭničaje lasnoje voziera. Baza adpačynku zajmaje płošču ŭ 5,6 ha. Terytoryja zakrytaja, abharodžanaja i całkam znachodzicca pad videanazirańniem. Da Minska — 70 kiłamietraŭ.
Pabudavali kompleks u 2022 hodzie. Ciapier jon pracuje kruhły hod. U abjavie adznačajecca, što heta — «funkcyjanujučy prybytkovy biznes z całkam naładžanymi pracesami z terminam akupnaści 5 hadoŭ».
Na terytoryi raźmieščana adrazu 17 damkoŭ z asobnymi ŭvachodami i asabistymi terasami. Pabudovy vykananyja z naturalnych materyjałaŭ, kožny dom užo abstalavany ŭsim nieabchodnym dla kamfortnaha žyćcia (dvuchspalny łožak, 2 tumbački, TB, wi-fi, sanvuzieł z dušam, chaładzilnik, šafa dla rečaŭ). Taksama majecca vialiki dom z tryma spalnymi pakojami, 2 sanvuzłami i prastornaj kuchniaj-haścioŭniaj.
U asobnym pamiaškańni znachodzicca restaran z adkrytaj terasaj. Vialikaja zała restarana źmiaščaje ŭ siabie 50 čałaviek, małaja zała — da 20 čałaviek. Tut možna adśviatkavać luby karparatyŭ, viasielle, dni naradžeńnia i mnohaje inšaje. U najaŭnaści — hukavoje abstalavańnie, TV, Wi-fi.
Taksama ŭ zaharadnym kompleksie jość mahčymaść pravieści maštabnaje mierapryjemstva ŭ novym šatry, jaki źmiaščaje ŭ siabie da 200 haściej i padychodzić dla viasiella, karparatyva, jubileju, luboha vyjaznoha bankieta, pakolki ŭ im ustanoŭlenaja vialikaja prafiesijnaja kuchnia. Padkreślivajecca, što ŭ šatry kamfortna ŭ luboje nadvorje, pakolki pamiaškańnie aciaplajecca i abstalavana sanvuzłami. U najaŭnaści — posud na 200 haściej, 3 kandycyjaniery, vializny ekran, prafiesijnaje muzyčnaje abstalavańnie.
Jość na bazie i łaźnievy kompleks, jaki źmiaščaje ŭ sabie paryłku, pakoj adpačynku z kaminam, raspranalniu, dušavuju zonu. Razynkaj hetaha miesca źjaŭlajecca kupiel na adkrytym pavietry. Haračaja kupiel-džakuzi dadatkova abstalavanaja chromaterapijaj. Taksama majucca ŭsie nieabchodnyja łaźnievyja prynaležnaści: praściny, ručniki, tepciki, aromaalei, vieniki.
Pobač znachodzicca i adkryty basiejn z padahrevam 10 na 3 mietry, jon całkam abstalavany aŭtamatyčnaj prafiesijnaj sistemaj ačystki i tajmieram. Hiermietyčny kupał dazvalaje vykarystoŭvać basiejn z krasavika pa kastryčnik.
Na terytoryi zaharadnaha kompleksu taksama abstalavanaja sažałka dla eka-rybałki. Jana zaryblenaja roznymi vidami ryb. Dadatkova jość vudy i ŭsie nieabchodnyja snaści. Rybačyć možna i na lasnym voziery.
Viadoma, praduhledzieli ŭłaśniki i zonu BBQ. Jana abstalavanaja zašklonaj altankaj na 40 čałaviek, manhałam, kazanom, rašotkami i šampurami.
Nie zabylisia na bazie i pra dziaciej. Dla małych — dziciačaja placoŭka, mini-skaładrom, piasočnica, horka i areli. Darosłych paciešać 5 mahutnych kvadracykłaŭ i 8 rovaraŭ na rozny ŭzrost. A dla jašče bolš aktyŭnych haściej praduhledžanyja valejbolnaja placoŭka i futbolnyja varoty.
Da hetaha možna dadać i Chill-pakoj, jaki možna vykarystoŭvać u luboje nadvorje. U im ustanoŭlenyja biljard, aerachakiej, kikier, nastolny tenis, anłajn-kinateatr, płejstejšn i nastolnyja hulni.
Dla absłuhoŭvańnia bazy adpačynku na terytoryi jość pralnia, haspadarčy błok 450 kvadrataŭ, a taksama ŭsia nieabchodnaja technika: pahruzčyki, traktary-hazonakasiłki.
Adznačajecca, što novamu ŭłaśniku zaharadnaha kompleksu «Chleb&Soul» dastaniecca i sajt z mahčymaściu anłajn-braniravańnia, i baza klijentaŭ, i ŭsie akaŭnty sacsietak.
Pradajecca kompleks na bierazie voziera za 3,2 miljona dalaraŭ.
Ciapier čytajuć
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary