Fiederalny kancler Hiermanii Frydrych Mierc zajaviŭ, što pajezdka prezidenta Ukrainy Uładzimira Zialenskaha ŭ ZŠA nie pryniesła tych vynikaŭ, na jakija jon raźličvaŭ. Pavodle Mierca, heta pakazała, što Ukrainie asabliva patrebnaja padtrymka z boku Jeŭropy, piša «Jeŭrapiejskaja praŭda».
Kancler Hiermanii adznačyŭ, što paśla sustrečy Zialenskaha z Donaldam Trampam mieŭ z prezidentam Ukrainy praciahłuju razmovu i paćvierdziŭ, što vizit prajšoŭ składana.
«Vizit nie prajšoŭ tak, jak spadziavaŭsia Zialenski. Ja dumaju, što mahu heta tut skazać», — zajaviŭ Mierc.
Tamu, na jaho dumku, jeŭrapiejskaja dapamoha — vajskovaja, finansavaja i palityčnaja — ciapier maje vyrašalnaje značeńnie, bo vajnu možna spynić tolki praz moc ukrainskaj armii.
Frydrych Mierc padkreśliŭ, što kapitulacyja Ukrainy niemahčymaja, bo ŭ takim vypadku Rasija napała b na nastupnuju jeŭrapiejskuju krainu.
17 kastryčnika Zialenski naviedaŭ Bieły dom pa zaprašeńni Trampa paśla dźviuch telefonnych razmoŭ. Jon pryvioz z saboj karty, kab pakazać uraźlivyja miescy rasijskaj vajskovaj pramysłovaści i prapanavaŭ abmianiać ukrainskija bieśpiłotniki na amierykanskija rakiety Tomahawk. Adnak, pavodle ŚMI, Tramp pakul nie hatovy pahadzicca na taki abmien.
Zialenski: Pucin mianie nienavidzić. U mianie anałahičnaje staŭleńnie da jaho
«Ja dumaju, Pucin choča zaviaršyć vajnu». Tramp sustreŭsia ŭ Biełym domie ź Zialenskim
Tramp prapanavaŭ i Rasii, i Ukrainie abviaścić siabie pieramožcami
Tramp skazaŭ Zialenskamu, što pakul nie maje namieru pastaŭlać Kijevu rakiety «Tamahaŭk»
Ciapier čytajuć
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach5
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1616
Kamientary