Paśla papiaredžańnia MARH «Apłaci» admoviłasia ad uviadzieńnia abanpłaty za prajezd
MARH ščoŭknuŭ «Apłaci» pa nosie za ideju pradavać kvitki na transpart za dapłatu.
Ministerstva pa antymanapolnym rehulavańni i handli źviarnuła ŭvahu na ideju servisu «Apłaci» uvieści dapłatu za mahčymaść kupić bilet na transpart.
Paśla hetaha kampanija TAA «ŁVO» admoviłasia ad uviadzieńnia z 22 vieraśnia abanpłaty za pasłuhu ŭ transparcie ŭ pamiery 1 rubiel u miesiac, jakaja pavinna była stać abaviazkovaj dla karystalnikaŭ, što apłačvajuć prajezd praz dadatak.
U kamientary Onlíner pradstaŭniki kampanii zajavili, što «dziejańni TAA «ŁVO» i ŭviadzieńnie novych praduktaŭ nie parušali i nie parušajuć zakanadaŭstva Respubliki Biełaruś». Adnak, uličvajučy pazicyju rehulatara i aśpiekty, ahučanyja padčas asabistaj sustrečy z kiraŭnictvam, było pryniata rašeńnie časova admovicca ad abaviazkovaj apłaty.
Sudziačy pa ŭsim, viedamstvu na servis pačali skardzicca. Tamu MARH papiaredziŭ «Apłaci» ad uviadzieńnia takoj padpiski, uhledzieŭšy ŭ hetym parušeńnie antymanapolnaha zakanadaŭstva.
Papiaredžańnie — heta previentyŭny instrumient. Jano vydajecca, kali MARH stała viadoma pra toje, što niechta źbirajecca parušyć zakon.
Nahadajem, «Apłaci» zadumaŭ uvieści padpisku na mahčymaść kuplać bilety na transpart praz dadatak. Kaštavać jana pavinna była adzin rubiel u miesiac.
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro2
Kamientary
Minsktrans nie zdoleŭ u inavacyi (vielmi šmat dzie jon tarmazić), dali pasprabavać banku. Nu i zaraz takoje. Bank vyrašyŭ atrymać trochi bolš prybytku z toj startap.