Vienhryja zabaraniła ŭjezd kamandziru ŭkrainskaha padraździaleńnia, adkaznaha za ataki na «Družbu». Hety vajskoviec — etničny vienhr
Urad Vienhryi abjaviŭ, što kamandzir ukrainskaha padraździaleńnia, adkazny za ataku na rasijski naftapravod «Družba», atrymaŭ zabaronu na ŭjezd nie tolki ŭ Vienhryju, ale i ŭ krainy Jeŭrasajuza. Pra heta paviedamiŭ kiraŭnik MZS krainy Pieter Sijarta, piša «Jeŭrapiejskaja praŭda».
Pieter Sijarta padkreśliŭ, što ŭdar na naftapravodzie staŭ «napadam na suvierenitet Vienhryi», bo jon maje klučavoje značeńnie dla enierhazabieśpiačeńnia jak samoj hetaj krainy, tak i susiedniaj Słavakii.
Choć imia vajskoŭca aficyjna nie nazyvałasia, daradca vienhierskaha premjera paćvierdziŭ, što havorka idzie pra Robierta Broŭdzi, viadomaha pad pazyŭnym «Madziar». Jon pachodzić ź vienhierskaj etničnaj mienšaści, jakaja kampaktna žyvie va ŭkrainskim Zakarpaćci. Broŭdzi sam paviedamiŭ pra ataku 21 žniŭnia ŭ svaim telehram-kanale i zrabiŭ podpis pa-vienhiersku: Ruszkik haza! («Rasijanie — dadomu!»)
Hetym ža razam Broŭdzi, atrymaŭšy viestku pra kroki vienhierskaha ŭrada, adznačyŭ, što jamu hetyja sankcyi mała važnyja.
«Zapchnicie ŭ sraku, spadar «tancor na kaściach», vašy sankcyi i abmiežavańni na naviedvańnie Vienhryi. Ja — ukrainiec, i prybudu na radzimu majho baćki ŭžo paśla vas. Sapraŭdnych madziaraŭ u Vienhryi chapaje, i kaliści vy im nastap*****cie», — napisaŭ jon.
Broŭdzi dadaŭ, što kuplajučy rasijskuju naftu vienhierski ŭrad stanovicca saŭdzielnikam rasijskich napadaŭ na Ukrainu, u vyniku jakich hinuć cyvilnyja ludzi.
«Vy datyčnyja da prymnažeńnia kryvavych hrošaj, jakija iduć na rakiety i «šachiedy» pa mirnych haradach Ukrainy i tolki siońnia, 28 žniŭnia 2025 hoda, zabili dziasiatki ŭkraincaŭ u Kijevie. Vašy kaniečnaści — pa łokać va ŭkrainskaj kryvi. I my heta budziem pamiatać», — padkreśliŭ vajskoviec.
MZS Ukrainy paabiacała ŭ adkaz na kroki vienhierskaha ŭrada ŭvieści lustranyja miery i abvinavaciła Budapiešt u tym, što jon «staić na niapravilnym baku historyi».
Jeŭrakamisija sa svajho boku zajaviła, što «Družba» sapraŭdy maje vialikaje značeńnie dla enierhietyčnaj biaśpieki ES, zaklikaŭšy ŭsie baki harantavać achovu krytyčnaj infrastruktury.
U toj ža čas spadziavańni vienhierskich uładaŭ, što ich zabarona Broŭdzi naviedvać Vienhryju stanie aŭtamatyčnaj zabaronaj jamu naviedvać terytoryju ES, vidać, nie spraŭdzicca. Ministr zamiežnych spraŭ Polščy Radasłaŭ Sikorski adrazu paśla atrymańnia viestki pra rašeńnie vienhraŭ zaprasiŭ «Madziara» ŭ svaju krainu:
«Pakul rasijskija rakiety siejuć śmierć na Kijeŭ, Vienhryja zabaraniaje ŭjezd advažnamu etničnamu vienhru, jaki advažyŭsia zmahacca za svabodu Ukrainy. Kamandzir Madziar, kali vam patrebien adpačynak, a Vienhryja vas nie puskaje, budźcie našym hościem u Polščy», — napisaŭ Sikorski ŭ adkaz na post Pietera Sijarta.
U Słavakiju znoŭ pačała pastupać nafta pa hazapravodzie «Družba»
«Ukrainskija dzieci nie vinavatyja ŭ tym, što robić były akcior». U Vienhryi zajavili, što mohuć spynić pastaŭki elektryčnaści ŭ Ukrainu, ale pakul nie buduć
MZS Słavakii pryhraziła, što praz udary pa naftapravodzie «Družba» paciarpić sama Ukraina
U Vienhryi rascanili ŭśmiešlivy adkaz Zialenskaha adnosna naftapravoda «Družba» jak pahrozy Budapieštu
Zialenski ŭ dobrym nastroi prakamientavaŭ udary USU pa naftapravodzie «Družba» i reakcyju na heta Vienhryi
«Ja vielmi zły z-za hetaha. Pieradaj Słavakii». Tramp adkazaŭ Orbanu na jahonuju skarhu na ŭkraincaŭ
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary
Eto nie Vienhry vinovaty, eto ukraincy vinovaty, čto vsie 34 hoda pili i viesieliliś.