Piać krain Jeŭrasajuza prosiać finansavaj dapamohi ŭ achovie miežaŭ
Piać krain Jeŭrasajuza — Polšča, Finlandyja, Łatvija, Litva i Estonija — źviarnulisia da Jeŭrakamisii z prośbaj vydzielić dadatkovaje finansavańnie dla ŭzmacnieńnia abarony źniešnich miežaŭ ES. Pryčynaj jany nazyvajuć praciah hibrydnaj ahresii z boku Rasii i Biełarusi, piša RMF24.
Ministry ŭnutranych spraŭ pieraličanych dziaržaŭ u liście ŭ Brusiel padkreślili, što hibrydnaja vajna praciahvajecca ŭžo bolš za čatyry hady i ŭklučaje nie tolki mihracyjny cisk, ale i kibierataki, padpały, dyviersii suprać krytyčnaj infrastruktury i parušeńni pavietranaj prastory.
Asobna adznačajecca rost incydentaŭ ź bieśpiłotnikami, častka jakich niasie vybuchoŭku i padaje pablizu žyłych damoŭ. Tak, u Lublinskim vajavodstvie Polščy niadaŭna dron upaŭ na kukuruznaje pole i vybuchnuŭ, paškodziŭšy vokny ŭ susiednich chatach. Ministr abarony Polščy nazvaŭ heta pramoj pravakacyjaj Rasii ŭ momant, kali iduć mirnyja pieramovy pa Ukrainie.
Kiraŭniki MUS Łatvii, Litvy, Polščy, Finlandyi i Estonii padkreślivajuć, što ŭschodniaja miaža — heta prablema nie tolki ich, ale i ŭsiaho Jeŭrasajuza. Biez sumiesnych inviestycyj pad pahrozaj akazvajecca biaśpieka ŭsioj Jeŭropy.
Tamu jany prosiać Jeŭrakamisiju nakiravać dadatkovyja srodki na:
- raźvićcio sistem pavietranaha nazirańnia;
- zakupku dronaŭ dla kantrolu miežaŭ;
- srodki baraćby z varožymi bieśpiłotnikami.
Pa słovach ministraŭ, papiaredniaja dapamoha ŭžo ŭmacavała kantrol na miežach i palepšyła kiravańnie mihracyjaj, ale ŭzrovień pahrozy raście i najaŭnych resursaŭ užo niedastatkova.
Na ŭschodzie Polščy za 100 kiłamietraŭ ad miažy z Ukrainaj upaŭ i vybuchnuŭ rasijski vajskovy dron
U aeraporcie Vilni nienadoŭha spyniali paloty praz dron
U dronie, jaki zalacieŭ ź Biełarusi ŭ Litvu, było vybuchovaje prystasavańnie
«Dezaryjentavany SPA Ukrainy». U Litvie nazvali najbolš vierahodnuju viersiju, čamu na jaje terytoryju znoŭ zalacieŭ čužy dron
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary