Na ŭschodzie Polščy za 100 kiłamietraŭ ad miažy z Ukrainaj upaŭ i vybuchnuŭ rasijski vajskovy dron
U vioscy Asiny ŭ Lublinskim vajavodstvie Polščy ŭpaŭ dron, jaki, pavodle słoŭ ministra abarony Polščy Uładzisłava Kosiniaka-Kamyša, byŭ rasijskaha pachodžańnia. Ministr adznačyŭ, što heta čarhovaja pravakacyja z boku Rasii.
Pradstaŭnik polskaha MZS paviedamiŭ, što BPŁA byŭ rasijskaj viersijaj «šachieda» z kitajskim ruchavikom. Pierad tym na poli ŭ vioscy Asiny prahrymieŭ vybuch. Jak paviedamlaje Rzeczpospolita, incydent adbyŭsia za 100 kiłamietraŭ ad miažy z Ukrainaj i za 40 kiłamietraŭ ad Varšavy.
Miascovaja palicyja paviedamiła, što paviedamleńnie ab vybuchu pastupiła paśla druhoj hadziny nočy ŭ aŭtorak. Ź ludziej nichto nie paciarpieŭ, ale ad detanacyi byli paškodžanyja šyby ŭ troch damach, jakija znachodzilisia niepadalok. Na poli byli znojdzienyja abharełyja mietaličnyja i płastykavyja askalopki. Na miesca zdareńnia prybyli vajskovaja palicyja i ekśpierty.
Pavodle słoŭ prakurora Lublinskaj prakuratury Hžehaža Trusieviča, heta byŭ vajskovy bieśpiłotnik, a vybuch adbyŭsia z-za vybuchoŭki, jakoj jon byŭ načynieny. Epicentr vybuchu zajmaŭ kruh dyjamietram 5—6 mietraŭ i hłybinioj kala 50 santymietraŭ. Spačatku byli viersii, što heta moh być cyvilny dron, jaki vykarystoŭvali kantrabandysty, ale z časam jany adpali. Na miescy praciahvajecca ekśpiertyza z vykarystańniem 3D-skaniera i BPŁA dla vizualnaha ahladu.
Nieaficyjna paviedamlajecca, što BPŁA moh być «prymankaj» — dronam dla adciahvańnia ŭvahi sistem SPA ad sapraŭdnych bajavych aparataŭ. Adnak, pavodle analizu polskich radarnych sistem, paralelnych parušeńniaŭ polskaj pavietranaj prastory nie zafiksavana.
Rasśledavańnie incydentu praciahvajecca, kančatkovyja vysnovy pra pachodžańnie i charaktar BPŁA buduć zroblenyja paśla ŭsich ekśpiertyz.
«Čarhovaje parušeńnie našaj pavietranaj prastory z uschodu paćviardžaje, što najvažniejšaj misijaj Polščy ŭ dačynieńni da NATA źjaŭlajecca abarona našaj ułasnaj terytoryi. Ministerstva zamiežnych spraŭ zajavić pratest parušalniku», — zajaviŭ kiraŭnik polskaha MZS Radasłaŭ Sikorski.
Sa słoŭ aficyjnaha pradstaŭnika MZS Polščy Paŭła Vrońskaha, heta budzie nota pratestu, adrasavanaja rasijskamu boku ŭ suviazi z parušeńniem polskaj pavietranaj prastory. Vroński padkreśliŭ, što heta standartnyja dziejańni ŭ padobnaj situacyi. Jon adznačyŭ, što sajuźniki pa NATA prainfarmavanyja pra incydent.
Paśla zacišša ŭ Homielskaj vobłaści znoŭ pačuli drony: što viadoma
U aeraporcie Vilni nienadoŭha spyniali paloty praz dron
Rasijanie atakavali dronami Izmailski rajon Adeskaj vobłaści — uźnik mocny pažar
Što viadoma pra kryłatuju rakietu «Fłaminha». Ci dastanie jana da Maskvy i vytvorčaściaŭ šachiedaŭ?
Ciapier čytajuć
Mścisłaŭ Miekta: jašče adzin recydyvist rviecca va ŭładu, prykinuŭšysia śpiecnazaŭcam-jabaćkam15
Kamientary