Žoncy brytanskaha dypłamata prysudzili 7 hadoŭ kałonii za palityku
52-hadovuju hramadzianku Biełarusi i Brytanii Juliju Fienier zatrymali viasnoj minułaha hoda pry pierasiačeńni miažy. Žančynu abvinavacili ŭ «sadziejničańni ekstremisckaj dziejnaści» i «ŭdziele ŭ pratestach» i asudzili da kałonii. Pravaabaroncy pryznali jaje palitźniavolenaj, piša «Viasna».
Julija Fienier maje dva hramadzianstvy — biełaruskaje i brytanskaje.
Žančynu zatrymali na miažy 31 sakavika 2024 hoda pry sprobie zajechać u Biełaruś.
Joj pradjavili abvinavačvańni pavodle dvuch artykułaŭ Kryminalnaha kodeksa: č. 2 art. 342 (aktyŭny ŭdzieł u dziejańniach, što hruba parušajuć hramadski paradak) i č. 1 i 2 art. 361-4 (sadziejničańnie ekstremisckaj dziejnaści). Ale sutnaść abvinavačvańniaŭ pravaabaroncam nieviadomaja. Zatrymanuju źmiaścili ŭ SIZA da suda.
U vyniku 21 žniŭnia 2025 hoda Juliju asudzili da siami hadoŭ źniavoleńnia.
Julija ŭ pačatku 2000-ch pracavała ŭ pasolstvie Vialikabrytanii ŭ Minsku. Jana pabrałasia šlubam z Marcinam Fienieram, namieśnikam kiraŭnika misii.
Paśla Biełarusi siamja žyła ŭ Turkmienistanie i rasijskim Jekaciarynburhu, kudy adpravili Marcina.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho8
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
nia moža być takoha statusu ŭ Biełarusi, bo jana hramadzianka Biełarusi. U inšaj krainie, kali maje brytanski dyppašpart i maje dypvizu - tak. Prostaja najaŭnaść dyppašparta nie nadaje dypstatus.