Himnazija Iryny Abielskaj źmianiła ŭłaśnika i zasakreciła jaho imia
«Biuro» vyśvietliła, što ŭ sakaviku 2025 hoda ŭ Minskaj mižnarodnaj himnazii, jakoj raniej vałodała maci Mikałaja Łukašenki Iryna Abielskaja, adbylisia istotnyja strukturnyja źmieny.
Apierataram pryvatnaj škoły z červienia 2020 hoda źjaŭlajecca adnajmiennaja jurydyčnaja asoba «Minskaja mižnarodnaja himnazija». Jana, u svaju čarhu, naležyć kampanii «Haryzonty viedaŭ». Apošniaj da niadaŭniaha času vałodaŭ kiprski afšor Blatberg Holdings Limited, jaki źviazvajuć z rasijskim aliharcham Michaiłam Hucaryjevym.
20 sakavika 2025 hoda ŭnitarnaje pradpryjemstva «Haryzonty viedaŭ» źmianiła formu ŭłasnaści na TAA, a vid dziejnaści «ahulnaja siaredniaja adukacyja» na «kompleksnyja pasłuhi pa absłuhoŭvańni budynkaŭ». A praz čatyry dni kampanija Blatberg Holdings Limited vyjšła sa składu ŭłaśnikaŭ «Haryzontaŭ viedaŭ».
Chto staŭ novym uładalnikam elitnaj škoły ŭ Drazdach, nieviadoma — Adziny dziaržaŭny rehistr jurydyčnych asob i indyvidualnych pradprymalnikaŭ (ADR) nie padaŭ nam dadzienyja pra ciapierašniaha bienieficyjara.
Žurnalisty nakiravali skarhu ŭ Ministerstva justycyi adnosna ŭtojvańnia infarmacyi pra novych ułaśnikaŭ «Haryzontaŭ viedaŭ». Voś što im adkazali čynoŭniki:
«Infarmacyja [pra ŭłaśnikaŭ jurydyčnych asob] uklučajecca orhanami rehistracyi ŭ ADR na padstavie dakumientaŭ, padadzienych samim subjektam haspadarańnia. Adpaviedna, infarmacyja z ADR padajecca ŭ abjomie, jaki ŭtrymlivajecca ŭ ADR. Inšymi źviestkami, nie ŭklučanymi ŭ ADR, Ministerstva justycyi nie vałodaje».
Inšymi słovami, ni Ministerstva justycyi, ni ADR, pavodle ich słoŭ, sami nie viedajuć, chto źjaŭlajecca novym i, pa ŭsim vidać, vielmi ŭpłyvovym uładalnikam «Haryzontaŭ viedaŭ».
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary