U Biełarusi sioleta dobry ŭradžaj bulby, kraina budzie zabiaśpiečana joj u dastatkovym abjomie, zajaviŭ siońnia Alaksandr Łukašenka na cyrymonii adkryćcia rekanstrujavanaha historyka‑kulturnaha kompleksu «Łošycki» ŭ Minsku, piša BiełTA.
Jon adznačyŭ, što ŭborka zbožžavych i kałasavych amal zavieršana. Płany na ŭradžaj u hetym hodzie byli kala 11 młn t. Ale, sudziačy pa aktualnych dadzienych, ličby buduć jašče bolšyja. Z paloŭ krainy ŭžo namałočana kala 9 młn t ziernia z ulikam rapsu. Uborka kukuruzy jašče praciahvajecca, jaje płanujecca sabrać kala 2 młn t. Takim čynam ahulny abjom ziernia składzie kala dzieviaci — dziesiaci — 11 młn t.
«Heta vielmi šmat. Redka jakaja kraina źbiraje na dušu nasielnictva stolki chleba. Heta značyć, budziem z chlebam», — skazaŭ Alaksandr Łukašenka.
Što datyčyć bulby, z najaŭnaściu jakoj u kramach byli prablemy viasnoj hetaha hoda, jaje vyraścili dastatkova, kab poŭnaściu zakryć patreby nasielnictva i jašče pastavić na ekspart. Situacyju ź niedachopam bulby praanalizavali, faktaraŭ, jakija da jaje pryviali, šmat. «My viedajem i bolš nie dapuścim», — padkreśliŭ jon.
Pa daručeńni Alaksandra Łukašenki, pasiaŭnyja płoščy pad bulbu byli pavialičanyja. «U hetym hodzie dobry ŭradžaj. Budziem z bulbaj», — zapeŭniŭ Łukašenka.
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary