U Minsku buduć zachoŭvać małapaviarchovuju zabudovu i pracavać nad jaje renavacyjaj
Žyłyja kvartały ź nizkimi damami i ŭtulnymi dvarami — prastora dla ŭvasableńnia kreatyŭnych idej, takim mierkavańniem ź Minsk-Navinami padzialiŭsia dyrektar pradpryjemstva «Instytut «Biełžyłprajekt» Dzianis Žajmo.
Žurnalist spytaŭ čynoŭnika, jakaja budučynia čakaje siektar małapaviarchovaj zabudovy?
«Placovak dla novaha budaŭnictva ŭ miežach horada zastałosia niašmat. Idzie havorka pra madernizacyju, rekanstrukcyju, renavacyju. To-bok pra stvareńnie bolš spryjalnaha asiarodździa, čym pry kapitalnym ramoncie, kali adnaŭlajucca stračanyja ŭ pracesie ekspłuatacyi techničnyja charaktarystyki budynkaŭ. Płošču pamiaškańniaŭ u takich damach možna pavialičyć za košt uładkavańnia teras, łodžyj, pašyreńnia ŭvachodnych hrup, nadbudovy dadatkovych pavierchaŭ.
Taksama — pavysić kamfort pražyvańnia dziakujučy ŭkaranieńniu enierhaefiektyŭnych mierapryjemstvaŭ. Heta, u pryvatnaści, uciapleńnie aharodžvalnych kanstrukcyj z prymianieńniem sistem vientylavanaha fasada, viertykalnaje azielanieńnie, vykarystańnie «razumnych» sistem kiravańnia paramietrami mikraklimatu ŭ žyłych pamiaškańniach, asnaščeńnie ŭvachodnych hrup funkcyjaj padahrevu», — raskazaŭ Dzianis Žajmo.
Adna z umoŭ takich pieraŭtvareńniaŭ — kompleksny padychod: madernizujuć ceły kvartał z dvaravymi terytoryjami, vulicami, prajezdami, zialonymi zonami.
Kiraŭnik taksama raskazaŭ pra palapšeńnie prydamavych terytoryj.
«U pryvatnaści, heta zaniravańnie terytoryi, to bok stvareńnie zon adpačynku dla žycharoŭ roznych uzrostaŭ. Nabiraje papularnaść hieapłastyka jak mietad nadańnia peŭnaj prastory ŭnikalnaha abličča z vykarystańniem reljefu i ekałahična čystych materyjałaŭ. Siońnia jana raźvivajecca jak samastojny napramak, jaki abjadnoŭvaje architekturu, budaŭnictva i łandšaftny dyzajn, i ŭžyvajecca ŭ prajektavańni dziciačych hulniavych placovak. Narešcie, možna vyjści za ramki standartnaha dobraŭparadkavańnia i stvaryć pry najaŭnaści volnaha prydatnaha ŭčastka zonu barbiekiu z manhałam, altankaj. Šmatlikija žychary napeŭna aceniać mahčymaść pakaštavać šašłyk u ŭtulnym kutku kala doma», — raskazaŭ Dzianis Žajmo.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary