Łukašenka spytaŭ u kiraŭnika Mytnaha kamiteta, što robicca na polskaj miažy
Alaksandr Łukašenka siońnia pryniaŭ z dakładam staršyniu Dziaržaŭnaha mytnaha kamiteta Uładzimira Arłoŭskaha, piša BiełTA.
«Nu što tam u vas zdaryłasia na miažy? Kažuć, nie chočacie prapuskać aŭtamabilny transpart. Nie viedaju, tudy i/abo nazad. Čerhi ŭtvarylisia. Što tam, palaki dziŭnaje vytvarajuć? Prafiesijnaja acenka. Nie palityčnaja, a prafiesijnaja. Što tam ź imi adbyvajecca? Heta pieršaje pytańnie. Chaču, kab mianie prainfarmavali pra situacyju na miažy z punktu hledžańnia mytni», — skazaŭ Łukašenka.
Druhoje pytańnie, jakoje jon paznačyŭ, datyčyłasia pravaachoŭnaj dziejnaści. «Zdajecca, jany (šerah susiednich krain) z nami nie supracoŭničajuć, ale ŭsio ž taki škodziać jany dastatkova. I narkotyki, vybuchovyja rečyvy i inšaje praź miažu pieramiaščajecca», — skazaŭ Łukašenka.
Jon adznačyŭ, što i niadaŭna byli fakty zatrymańnia narkatyčnych srodkaŭ, a taksama vybuchovak. Apošniaja, jak śćviardžajecca, pryznačałasia dla nastupnaha tranzitu ŭ Rasiju. «Tym nie mienš. Rasija — heta nie čužaja nam dziaržava», — zaŭvažyŭ Alaksandr Łukašenka.
Kamientary