Ekanamistka Łuzhina: Za miežami Biełarusi akazałasia nie mienš za 400 tysiač biełarusaŭ
Nie mienš za 400 tys. abo kala 4,4% hramadzian Biełarusi žyvuć i pracujuć za miežami krainy. Prykładna takija ličby atrymlivajucca, kali skłaści dadzienyja pa asnoŭnych napramkach mihracyi biełarusaŭ, piša ekanamist Anastasija Łuzhina ŭ «Banku idej».
Pa słovach A. Łuzhinoj, pa stanie na pačatak 2025 hoda kala 250 tysiač biełarusaŭ pastajanna pražyvali ŭ krainach ES. Pry hetym realnaja kolkaść biełarusaŭ u hetych krainach budzie bolšaj. Častka ludziej, jakija ŭžo bolš za 5—10 hadoŭ pastajanna pražyvajuć u Jeŭrapiejskim sajuzie, mahli atrymać hramadzianstva.
«Naprykład, u vypadku najaŭnaści karty palaka hety praces moža zajmać usiaho niekalki hadoŭ. U Rasiju biełarusy taksama pierajazdžajuć na zarobki abo na pastajannaje miesca žycharstva. U toj ža čas rasijski napramak ciapier nie nadta pryvabny dla biełarusaŭ. Jak adznačajuć rasijskija čynoŭniki, dadzienyja pa zaniatych na rynku pracy biełarusach jość, ale jany niaznačnyja ŭ paraŭnańni z kolkaściu pracujučych u krainie hramadzian Tadžykistana i Uźbiekistana Pa stanie na 2023 hod dola biełarusaŭ siarod pracoŭnych mihrantaŭ składała kala 2%. U absalutnym vyražeńni — heta pryblizna 124 tys. čałaviek», — zaznačaje ekśpiert.
«Jašče adnoj krainaj, jakaja pryciahvała biełarusaŭ, była Hruzija. Pa stanie na 1 studzienia 2025 hoda ŭ joj pražyvali 12,8 tys. hramadzian Biełarusi», — dadaje Anastasija Łuzhina.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT10
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1616
Kamientary
Kali niechta ("iabaćki") nie razumieŭ palityčnaje zło ŭłady, jon chacia b razumieŭ nastupstvy ź jaho: ekanamičnyja, biaśpieka ŭ čas vajny, pierśpiektyvy dla dziaciej i h.d.