U 2025 hodzie Transpartnaja inśpiekcyja praviała 205 kantrolnych zakupak u śfiery aŭtamabilnych pieravozak pasažyraŭ. U vyniku vyjaŭlena amal 420 pravaparušeńniaŭ i kanfiskavana 217 transpartnych srodkaŭ, bolšaść ź jakich — aŭtamabili-taksi.
U Transpartnaj inśpiekcyi padviali vyniki kantrolnaj dziejnaści ŭ hetym hodzie, paviedamiła Ministerstva transpartu.
Pavodle źviestak Ministerstva transpartu, praviedziena 205 kantrolnych zakupak. Ź ich 201 tyčyłasia lehkavych aŭtamabilaŭ, 4 — mikraaŭtobusaŭ.
U vyniku pravierak było vyjaŭlena 419 administracyjnych pravaparušeńniaŭ. Hałoŭnyja — ažyćciaŭleńnie pradprymalnickaj dziejnaści bieź licenzii abo z parušeńniem praviłaŭ i ŭmoŭ jaje viadzieńnia; viadzieńnie dziejnaści bieź dziaržaŭnaj rehistracyi i licenzii; adsutnaść strachoŭki i techahladu, udzieł u darožnym ruchu transpartu z zabaronienymi niaspraŭnaściami, parušeńni vadzicielami režymu pracy i adpačynku, a taksama praviłaŭ pieravozki pasažyraŭ.
U vyniku praviedzienych pravierak kanfiskavana 217 transpartnych srodkaŭ, u tym liku 194 taksi.
Kamientary