Rasijanie pierajšli miažu i prymusova vyvieźli z Sumskaj vobłaści bolš za 50 cyvilnych asob, najstarejšaj žančynie 89 hadoŭ
Va USU paćvierdzili infarmacyju ŚMI, što rasijskija vojski pierasiekli dziaržaŭnuju miažu Ukrainy kala vioski Hraboŭskaje ŭ Sumskaj vobłaści i vyvieźli adtul bolš za 50 cyvilnych hramadzian.
Pradstaŭnik Hałoŭnaha ŭpraŭleńnia kamunikacyj USU Dźmitryj Lichavij u kamientary «Ukrainskaj praŭdzie» paviedamiŭ, što ŭ vyniku nastupu praciŭnika Siły abarony adyšli ź niekalkich pazicyj u rajonie Hraboŭskaha.
Rasijanami z nasielenaha punkta byli prymusova vyviezieny na terytoryju Rasijskaj Fiederacyi bolš za 50 cyvilnych hramadzian Ukrainy. U asnoŭnym heta mužčyny i žančyny starejšaha ŭzrostu, adnoj ź ich 89 hadoŭ. Amal usie jany raniej admaŭlalisia evakuavacca ŭhłyb terytoryi Ukrainy, padkreśliŭ Lichavij.
Vajskoŭcy zaklikali žycharoŭ prymiežnych terytoryj evakuavacca. Sumskija ŭłady ŭžo arhanizavali hety praces — evakujavana bolš za 30 tysiač čałaviek, jašče amal 5700 čałaviek (ź ich 38 dziaciej) admovilisia jechać, dadaŭ aficer.
Sa źviestak vydańnia Kardon.Miedyja, u noč na 20 śniežnia na Krasnapolščynie Sumskaj vobłaści rasijskija vojski zajšli ŭ pamiežnaje siało Hraboŭskaje, raźmieščanaje niepasredna na linii miažy.
Sa źviestak «UP» u vajskovych kołach, sproby šturmu na adcinku miažy Sumščyny ŭ rajonie Hraboŭskaha praciahvajucca niekalki dzion.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary