Rada pa maralnaści prapanavała nazvać adnu sa stancyj mietro ŭ honar Jeŭfrasińni Połackaj
24 vieraśnia ŭ Minsku adbyłosia čarhovaje pasiadžeńnie Hramadskaj rady pa maralnaści pad kiraŭnictvam kiraŭnika BPC Vienijamina i staršyni Sajuz piśmieńnikaŭ Biełarusi Alesia Karlukieviča.
Na pasiadžeńni byli razhledžanyja niekalki pytańniaŭ, paviedamlaje pres-słužba BPC.
Rada ŭchvaliła pracu pa vypusku tematyčnych sacyjalnych rolikaŭ pra čyściniu movy, vystupiŭ ź inicyjatyvaj praviadzieńnia da Dnia Maci (14 kastryčnika) i da Suśvietnaha dnia baraćby ź nienarmatyŭnaj leksikaj (3 lutaha) tydniovych akcyj «Ja i siamja biez brydkasłoŭja».
Taksama na pasiadžeńni abmiarkoŭvalisia temy, zakranutyja ŭ zvarotach ad hramadskaści, u pryvatnaści: prapanova nazvać adnu z prajektavanych stancyj Minskaha mietrapalitena ŭ honar Jeŭfrasińni Połackaj, praduhledzieŭšy adpaviednuju kancepcyju afarmleńnia viestybiulaŭ mietro; a taksama zaniepakojenaść raspaŭsiudžvańniem u handlovych sietkach Biełarusi dziciačych cacak «Łabubu», «Chahi Vahi», «Vakuku», «Fuhlery», «Čebubu», «FynkoPop».
Kamientary