U Polščy pierachapili adrazu niekalki mieteazondaŭ z kantrabandaj ź Biełarusi
Polskija pamiežniki paviedamili pra niekalki sprobaŭ kantrabandy cyharet ź Biełarusi z dapamohaj mieteazondaŭ. Na praciahu vychadnych supracoŭniki Padlašskaha adździeła pamiežnaj achovy pierachapili hruz tytuniovych vyrabaŭ na sumu kala 185 tysiač złotych (zvyš 40 tysiač jeŭra).
Kala Biełastoka zatrymali dvuch hramadzian Polščy, jakija pryjechali zabrać nielehalnyja pierasyłki. U ich mašynie znajšli cyharety ź biełaruskimi akcyzami na sumu 26 tysiač złotych (kala 7,1 tysiačy dalaraŭ). Inšyja partyi kantrabandy znajšli kala vioski Jałoŭka.
Kala vioski Sokał pamiežniki adšukali reštki mieteazonda z prymacavanymi 1500 pačkami cyharet. Padobnyja vypadki zafiksavanyja taksama ŭ rajonie Strašava i Krynak.
Z pačatku hoda ŭ Padlašskim vajavodstvie zarehistravana bolš za 100 sprobaŭ kantrabandy pavietranymi šarami. Ahulnaja vartaść kanfiskavanych cyharet pieravyšaje 2,5 miljona złotych (prykładna 686 tysiač dalaraŭ).
Mieteazond ź biełaruskimi cyharetami pryziamliŭsia prosta kala hipiermarkieta ŭ Biełastoku
U Łatvii na miažy ź Biełaruśsiu znajšli aerastaty z kantrabandaj
Litoŭskim pamiežnikam paŭhoda tamu dazvolili stralać pa mieteazondach ź biełaruskaj kantrabandaj, ale tyja pakul ni razu nie stralali
U Polščy mieteazond z cyharetami ź Biełarusi prabiŭ dach doma
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary