U hetym hodzie, jak i ŭ minułym, u Biełarusi suprać karanavirusa buduć pryščaplać vakcynaj Convacel, vyrablenaj u Rasii.
Asablivaść preparata ŭ tym, što jon utrymlivaje nukleakapsidny N-białok. Heta frahmient virusa, jaki praktyčna nie padviarhajecca mutacyjam. Mienavita tamu vakcyna efiektyŭnaja suprać lubych štamaŭ karanavirusa, jakija ciapier cyrkulujuć, piša «Minskaja praŭda».
Pavodle danych namieśnika ministra achovy zdaroŭja Śviatłany Niačaj, u dziciačaj infiekcyjnaj balnicy Minska štodnia fiksujucca novyja vypadki COVID-19 u dziaciej. Zvyčajna špitalizujuć 2—3 dziaciej u dzień, na minułym tydni takich pacyjentaŭ było da šaści. Zaraz u adździaleńni znachodziacca 11 dziaciej.
Na ščaście, zachvorvańnie ŭ ich praciakaje ŭ siaredniaj formie. Miedyki adznačajuć: ciažkich vypadkaŭ, jakija patrabujuć štučnaj vientylacyi lohkich, niama.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary