Kultavy raman «Dziuna» vyjšaŭ pa-biełarusku — jaho ŭžo možna nabyć
Vydaviectva «Januškievič» abviaściła start prodažaŭ kłasiki navukovaj fantastyki, jakuju pierakłali na biełaruskuju movu.
Knihu Frenka Hierbierta «Dziuna» ŭ biełaruskim pierakładzie možna nabyć užo ad siońnia. Adna z najvialikšych navukova-fantastyčnych historyj usich časoŭ ciapier dastupnaja pa-biełarusku ŭ pierakładzie Ihara Kulikova.
«Apublikavanaja ŭ 1965 hodzie «Dziuna» — heta nie prosta epičnyja pryhody na biaźludnaj płaniecie, a prazorlivaje daśledavańnie palityki, relihii, ekałohii i čałaviečych ambicyj. U «Dziunie» zakranajucca składanyja temy ŭłady, vyžyvańnia i achovy navakolnaha asiarodździa, jakija siońnia aktualnyja jak nikoli.
Raman Hierbierta paŭpłyvaŭ na mnostva inšych tvoraŭ navukovaj fantastyki, ad «Zornych vojnaŭ» da sučasnaj litaratury.
Biełaruski pierakład dazvolić našym čytačam pa-novamu zirnuć na hety šedeŭr fantastyki, viečnaje zmahańnie pamiž čałaviectvam i pryrodaj, technałohijami i tradycyjami», — pisała vydaviectva.
Kupić «Dziunu» ŭ biełaruskim pierakładzie možna pa spasyłcy, na Allegro, u fizičnaj kniharni Knihaŭka, a taksama ŭ Vilni na fiestyvali PRADMOVA.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary