Prezident Ukrainy Uładzimir Zialenski padpisaŭ ukaz ad pazbaŭleńni ŭkrainskaha hramadzianstva mera Adesy Hienadzia Truchanava, paviedamlaje «RBK-Ukraina»
Pierad hetym Uładzimir Zialenski zajaviŭ, što atrymaŭ paćviardžeńnie ab najaŭnaści rasijskaha hramadzianstva «ŭ peŭnych asob». Pry hetym dniami ŭ siecivie ŭžo nie ŭ pieršy raz prachodziła infarmacyja pra najaŭnaść rasijskaha pašparta ŭ Hienadzia Truchanava.
Hienadź Truchanaŭ zajmaŭ pasadu mera Adesy z 27 maja 2014 hoda i zaŭsiody mieŭ reputacyju prarasijskaha dziejača, choć paśla poŭnamaštabnaj vajny źmianiŭ svaju rytoryku. Tym nie mienš, da palityka byli pytańni, u tym liku jamu zakidalisia i karupcyjnyja abvinavačańni.
U suviazi z pazbaŭleńniem Truchanava hramadzianstva Ukrainy jahonyja paŭnamoctvy jak mera spyniajucca aŭtamatyčna.
Mienavita ŭ suviazi z hetym Uładzimir Zialenski daručyŭ hałoŭnakamandujučamu USU Alaksandru Syrskamu razhledzieć pytańnie ab stvareńni Adeskaj haradskoj vajennaj administracyi, jakaja budzie kiravać horadam zamiest adstaŭlenaha mera.
Razam z Truchanavym hramadzianstva pazbavili viadomaha prarasijskaha dziejača Aleha Carova i tancaŭščyka baletu Siarhieja Pałunina. Apošni mieŭ hramadzianstva Ukrainy, Rasii i Sierbii, aktyŭna padtrymlivaŭ Pucina, ale na miažy 2024‑2025 hadoŭ zajaviŭ pra svaju emihracyju z Rasii.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie7
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary