Zialenski daručyŭ Syrskamu razhledzieć pytańnie stvareńnia ŭ Adesie vajennaj administracyi
Prezident Ukrainy daručyŭ hałoŭnakamandujučamu USU Alaksandru Syrskamu razhledzieć pytańnie mahčymaści stvareńnia Adeskaj haradskoj vajennaj administracyi, piša «Ukrainskaja praŭda».
24 vieraśnia hramadzianin Ivan Kazačuk padaŭ prezidentu Ukrainy pietycyju, u jakoj zaklikaŭ stvaryć u Adesie haradskuju vajennuju administracyju «dla zabieśpiačeńnia bieśpierapynnaha i efiektyŭnaha funkcyjanavańnia orhanaŭ ułady ŭ horadzie Adesa va ŭmovach vajennaha stanovišča».
Svaju prośbu jon arhumientavaŭ tym, što horad maje stratehičnaje značeńnie jak «vialiki transpartny, partovy i łahistyčny centr na poŭdni Ukrainy», a taksama znachodzicca «ŭ niepasrednaj blizkaści da rajonaŭ viadzieńnia bajavych dziejańniaŭ i terytoryj z pavyšanym uzroŭniem pahroz», akramia taho, «efiektyŭnaje i bieśpierapynnaje funkcyjanavańnie orhanaŭ ułady ŭ horadzie źjaŭlajecca pytańniem nacyjanalnaj biaśpieki i abarony».
Pietycyju padtrymali bolš za 25 tysiač ukraincaŭ, što nieabchodna, tamu Zialenski daŭ na jaje adkaz i daŭ daručeńnie Syrskamu.
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty7
Kamientary