Polski sud admoviŭsia vydavać Hiermanii abvinavačanaha ŭ padryvie «Paŭnočnaha patoka»
Akruhovy sud u Varšavie nie zadavoliŭ prośbu Hiermanii ab ekstradycyi hramadzianina Ukrainy Uładzimira Ž., jakoha padazrajuć va ŭdziele ŭ padryvie hazapravoda «Paŭnočny patok». Sud taksama admianiŭ mieru strymańnia dla jaho — aryšt, paviedamlaje polskieradio24.pl.
Sudździa padkreśliŭ, što polski bok nie maje dastatkovych dokazaŭ, pradstaŭlenych Hiermanijaj:
«Polski sud nie vałodaje pa hetaj spravie nijakimi zychodnymi dokazami, pakolki niamiecki bok dasłaŭ tolki vielmi ahulnuju, farmalna nieabchodnuju infarmacyju pa joj».
Jon adznačyŭ, što choć jeŭrapiejski ordar na aryšt składzieny karektna, infarmacyju pra sutnaść abvinavačańnia možna źmiaścić na adnym arkušy A4. Tamu sud nie moža aceńvać, ci sapraŭdy padazravany byŭ datyčny da vybuchaŭ hazapravodaŭ «Paŭnočny patok-1» i «Paŭnočny patok-2».
«Vy volnyja», — skazaŭ sudździa, źviartajučysia da Uładzimira Ž.
Takim čynam, polski sud admoviŭsia vykonvać jeŭrapiejski ordar na aryšt, vydadzieny Fiederalnym sudom Hiermanii ŭ Karłsrue. Vydatki pa spravie buduć apłačanyja za košt dziaržavy. Baki mohuć abskardzić rašeńnie ŭ apielacyjnym sudzie.
49‑hadovy ŭkrainiec byŭ zatrymany 30 vieraśnia pa miescy žycharstva. Jaho padazravali ŭ sabatažy, źniščeńni majomaści i paškodžańni hazapravoda «Paŭnočny patok-2». Sam jon śćviardžaje, što nie mieŭ da vybuchaŭ nijakaha dačynieńnia i padčas incydentu, jaki adbyŭsia 26 vieraśnia 2022 hoda na dnie Bałtyjskaha mora, znachodziŭsia va Ukrainie.
Tusk: Polšča nie vydaść Hiermanii aryštavanaha za padryŭ «Paŭnočnych patokaŭ»
U Polščy zatrymali ŭkrainca, jakoha padazrajuć u padryvie «Paŭnočnych patokaŭ»
Sud u Italii dazvoliŭ ekstradycyju ŭ Hiermaniju mierkavanaha arhanizatara padryvu hazapravoda «Paŭnočny patok»
U Italii zatrymali padazravanaha ŭ dyviersii na «Paŭnočnych patokach» — hramadzianina Ukrainy
Śledčyja ŭ Hiermanii vyznačyli asoby ŭsich padazravanych u padryvie «Paŭnočnych patokaŭ»
Kamientary
Polšča - brava! Mužyk - hieroj. A niemcy viadoma što.