Na dačy pad Čavusami zahinuŭ piensijanier — jon pravieryŭ uciečku hazu ahniom
Trahičny vypadak zdaryŭsia ŭ adnoj ź viosak Čavuskaha rajona ŭ kancy lipienia. Historyja pačałasia vielmi prosta — žonka piensijaniera vyjaviła, što haz u bałonie niečakana skončyŭsia.
U toj viečar haspadynia doma vyjaviła, što haz u bałonie skončyŭsia, raspaviadaje Dziaržaŭny kamitet sudovych ekśpiertyz.
Mužčyna sam zamianiŭ pusty bałon na zapasny i rašyŭ pravieryć, ci niama ŭciečki hazu z zamienienaha bałona. Dla hetaha 67‑hadovy piensijanier vyrašyŭ skarystać adkryty ahoń.
Akazałasia, što ŭciečka była. U domie ŭspychnuŭ ahoń, jaki chutka achapiŭ dom.
Para paśpieła vybiehčy na vulicu, adnak piensijanier rašyŭ viarnucca ŭ achoplenaje połymiem pamiaškańnie, kab zabrać klučy ad mašyny.
Jon atrymaŭ mocnyja apioki, ź jakimi byŭ špitalizavany ŭ ciažkim stanie.
Praz dva tydni mužčyna pamior u balnicy.
Ekśpiertyza paćvierdziła, što pryčynaj pažaru stała ŭzharańnie hazapavietranaj sumiesi, jakaja ŭtvaryłasia ŭ vyniku razhiermietyzacyi bałona.
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno18
Kamientary