Ruskamoŭny trek «Hłamur» hurta, jaki robić karjeru ŭ Maskvie, uklučyli ŭ načnym kłubie.
U Adesie zdaryŭsia skandał z-za muzyki pa-rusku ŭ kłubie. 31 kastryčnika ŭ kłubie Palladium dydžej uklučyŭ pieśniu «Hłamur». Heta papularny trek hurta Nkeeei — maładych reperaŭ ź Biełarusi, jakija robiać ciapier karjeru ŭ Maskvie (Mikita Karabyka i Jahor Junicki rodam z Baranavič, Arciom Šyłaviec ź Minska).
U zale było bolš čym 1000 čałaviek, mnohija padpiavali.
Z hetaj nahody vykazaŭsia kiraŭnik abłasnoj vajennaj administracyi Aleh Kipier.
«Nijakaj ruskaj muzyki — ni ŭ kłubach, ni ŭ inšych publičnych miescach! Adesa — horad, jaki amal kožny dzień pakutuje ad rasijskich napadaŭ. I ŭ hety čas u načnym kłubie ŭklučajucca pieśni rasijskich vykanaŭcaŭ. I heta na čaćviortym hodzie poŭnamaštabnaj vajny.
Pakul našy abaroncy addajuć svajo žyćcio, chtości zabaŭlajecca pad saŭndtreki krainy-ahresara, pahardžajučy pamiaćciu pra zahinułych».
Va Ukrainie dziejničaje zabarona publična vykonvać ci ŭklučać muzyku, źviazanuju z Rasijaj.
Kipier taksama daručyŭ adpaviednym departamientam administracyi razabracca ŭ situacyi. «Arhanizatary pavinny rastłumačyć, jak takoje naohuł stała mahčymym u horadzie, jaki aficyjna pryznany terytoryjaj bajavych dziejańniaŭ. Adesa — ukrainski horad. Chto zabyŭsia — nahadajem».
Viadoma, što 1 listapada ŭ kłub užo pryjšli z pravierkaj.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
I heta taja svoboda, za jakuju vajujuć ruskamoŭnyja ŭkraincy?