Da viasny płanujecca zaviaršyć budaŭnictva adzinaj viełapiešachodnaj darožki na terytoryi Ždanovickaha sielsavieta pad Minskam. Ciapier ad Čyžoŭskaha vadaschovišča da Zasłaŭskaha možna budzie dajechać nie tolki na aŭtamabili, ale i na rovary, piša pristalica.by.
Staršynia Ždanovickaha sielvykankama Dźmitryj Atrašonak paviedamiŭ, što novy maršrut abjadnaje niekalki bujnych vieładarožak. Raniej vieładarožka viała tolki da Ždanovičaŭ, a ciapier praciahniecca da aŭtamabilnaha mosta na 41‑m kiłamietry MKAD, što dazvolić zručna dajechać da akvaparka «Lebiadziny». Adtul možna budzie praciahnuć šlach da samaha Zasłaŭskaha vadaschovišča.
Pavodle słoŭ Jaŭhiena Kazłoŭskaha, pradstaŭnika padradčyka DUP «Minskaje PMB», vieładarožka praciahniecca da plaža №5. Jaje daŭžynia składzie kala 2,43 kiłamietra, a šyrynia budzie vahacca ad 3 da 4,5 mietra. Darožku vykładuć tratuarnaj plitkaj, pastaviać aśviatleńnie, a taksama abstalujuć šeść zon adpačynku ź viełastajankami i łaŭkami.
Budaŭniki ŭžo pracujuć na asnoŭnych učastkach — ad vulicy Parkavaj u Ždanovičach, uzdoŭž vulicy Palavoj i darohi N9089. Taksama ŭparadkujuć terytoryju kala vadaschovišča «Drazdy» — uzdoŭž plaža i dziciačaj placoŭki. Dla zručnaści ruchu ŭžo padrychtavanaja novaja schiema arhanizacyi darožnaha ruchu.
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno16
Kamientary