Prezident ZŠA Donald Tramp zajaviŭ, što jon pierakanany ŭ blizkim padzieńni režymu vieniesuelskaha lidara Nikałasa Madura. Zajavu Tramp zrabiŭ u intervju CBS 2 listapada.
Kali karespandent spytała ŭ Trampa, ci ličyć jon, što «dni Madura jak prezidenta źličanyja», amierykanski lidar adkazaŭ, što mienavita tak jon ličyć.
«Ja b skazaŭ, tak. Dumaju, tak», — skazaŭ Tramp.
Tym nie mienš, kali razmova zajšła pra mahčymaść pačatku naziemnaj apieracyi pamiž ZŠA i Vieniesuełaj, Tramp zaniaŭ bolš aściarožnuju pazicyju. I jon admoviŭsia havaryć žurnalistu, ci buduć nanosić ZŠA naziemnyja ŭdary pa Vieniesuele.
Zajava Trampa prahučała na fonie pavyšanaj napružanaści i pavieličeńnia amierykanskaj vajskovaj prysutnaści ŭ Karybskim basiejnie. ZŠA ŭ hety pieryjad pravodzili šerah udaraŭ pa sudnach narkahandlaroŭ, u vyniku čaho zahinuli dziasiatki čałaviek.
Madura, u svaju čarhu, abvinavačvaje Vašynhton u tym, što jon vykarystoŭvaje abvinavačvańni ŭ narkateraryźmie jak šyldu dla źmieny režymu i zachopu bahatych naftavych resursaŭ Vieniesueły.
Madura navat paprasiŭ u Pucina vajskovaj dapamohi.
Ciapier čytajuć
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ7
Kamientary