Startuje kinafiestyval «Paŭnočnaje źziańnie». U prahramu dadalisia i ŭkrainskija filmy — ich možna pahladzieć anłajn
Pakazy anłajn biaspłatnyja.
Startuje XI kinafiestyval «Paŭnočnaje źziańnie». 3‑5 listapada filmy z prahramy buduć pakazvać u Vilniusie, 6‑9 listapada — u Varšavie, 10 listapada pačnucca online-pakazy, a 19‑20 listapada kinasieansy projduć u Talinie. Fiestyval praciahniecca da 23 listapada.
Padrabiaźniej pra toje, jakija filmy buduć u mižnarodnaj prahramie, možna pačytać tut. A tut anons biełaruskaha kino, jakoje pakažuć na fiestyvali.
Na «Paŭnočnym źziańni» pakažuć taksama dva filmy z prahramy «Ukraine mon amour». Što za jany?
«Moj luby Tea»
2024, Polšča, Ukraina, Čechija
13 listapada — online z 00:00 da 23:59 pa Minskim časie
Ukrainskaja dobraachvotnica, režysiorka i maci Alisa Kavalenka źniała dakumientalny film pra frantavyja budni i paetyčnyja listy svajmu maleńkamu synu Tea.
Film ad pieršaj asoby prapanuje hłyboki i intymny pohlad na čałaviečuju canu vajny i suviazi pamiž baćkami i dziećmi, jakija zachoŭvajucca navat u samych ciažkich abstavinach.
«Stužka času»
Ukraina, Luksiemburh, Niderłandy, Francyja
22 listapada — online z 00:00 da 23:59
Zachavańnie škoł va Ukrainie — sproba ŭznavić chacia b častku narmalnaha žyćcia, jakoje było da poŭnamaštabnaj vajny, da 24 lutaha 2022 hoda. Bieź intervju, apaviadańnia i rekanstrukcyj film Kaciaryny Harnastaj «Stužka času» daje ŭjaŭleńnie pra toje, jak vajna ŭpłyvaje na paŭsiadzionnaje žyćcio vučniaŭ i nastaŭnikaŭ. Film maje mazaičnuju strukturu: jon daśleduje, jak škoła funkcyjanuje užyvuju i ŭ internecie ŭ žudasny čas na pieradavoj i pa-za joj, jak paŭsiadzionnaje žyćcio pieraplatajecca z zaŭsiodnaju niebiaśpiekaju.
Suśvietnaja premjera filma adbyłasia na Bierlinskim kinafiestyvali 2025 hoda, jaho pakazali ŭ asnoŭnym konkursie.
Kab hladzieć filmy online biaspłatna, treba tolki zarehistravacca na płatformie kinafestu. Dostup da stužak adkryjecca zhodna z raskładam, z 10 listapada.
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 2026
Kamientary