MZS Polščy: Nie možam harantavać, što ŭ vypadku pralotu nad terytoryjaj krainy samalot Pucina nie budzie pasadžany dla aryštu
Ministr zamiežnych spraŭ Polščy Radasłaŭ Sikorski skazaŭ, što kali Uładzimir Pucin palacić na sustreču z Donaldam Trampam praz terytoryi hetaj krainy, to jahony samalot moža być prymusova pasadžany, kab aryštavać Pucina pa ordary Mižnarodnaha kryminalnaha suda ŭ Haazie, piša BBC.
«My nie možam harantavać, što niezaležny polski sud nie zahadaje ŭradu pasadzić taki hipatetyčny samalot dla pieradačy padazravanaha sudu ŭ Haazie», — skazaŭ Sikorski.
U chodzie niadaŭniaj telefonnaj razmovy Tramp i Pucin damovilisia sustrecca ŭ stalicy Vienhryi Budapiešcie, data sustrečy pakul nie vyznačana.
Usie susiednija ź Vienhryjaj krainy, akramia Sierbii, spynili rehularnyja avijaznosiny z Rasijaj, ale mohuć paličyć mahčymym prapuścić samalot z rasijskim prezidentam praz svaju pavietranuju prastoru.
Pucin padlahaje aryštu pa ordary Mižnarodnaha kryminalnaha suda, vydadzienamu ŭ sakaviku 2023 hoda, u krainach, jakija padpisali statut hetaha suda.
Sikorski pryznaŭ, što Pucin hipatetyčna moža paźbiehnuć terytoryi krain ES, pralacieŭšy ŭ Vienhryju nad Turcyjaj, moram, Čarnahoryjaj i Sierbijaj. Sierbija i Čarnahoryja, zrešty, taksama členy MKS.
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary
treba było ŭzhadać samalot kačyńskaha.
I naadvarot, złosna paśmichajučysia, harantavać, što aryštoŭvać jany nikoha nie buduć.