Adnaho ź lidaraŭ stačkama «Biełaruśkalija» vyzvalili ź imihracyjnaj turmy ŭ ZŠA
Daradca Śviatłany Cichanoŭskaj pa pravavych pytańniach Leanid Marozaŭ paviedamiŭ, što sprava sa źniavoleńniem adnaho ź lidaraŭ stačkama «Biełaruśkalija» Anatola Bokuna ŭ imihracyjnaj turmie ŭ ZŠA vyrašyłasia pazityŭna.
«Tolki što sud u ZŠA pryniaŭ rašeńnie vyzvalić adnaho ź lidaraŭ stačkama «Biełaruśkalija» Anatola Bokuna ź imihracyjnaj turmy i dać jamu prytułak.
Ofis Śviatłany Cichanoŭskaj byŭ na suviazi z advakatam, padrychtavaŭ list padtrymki i ja jak daradca pa pravavych pytańniach byŭ śviedkam abarony pa spravie», — napisaŭ Leanid Marozaŭ.
Anatol Bokun pracavaŭ miechanikam adździeła zhuščeńnia silvinitavaj uzbahačalnaj fabryki pieršaha rudaŭpraŭleńnia. Byŭ sustaršynioj stačkama «Biełaruśkalija».
Anatol Bokun — adzin z tych, chto ad imia stačkamu vioŭ pieramovy z kiraŭnictvam kampanii Yara, kab narviežski partnior razarvaŭ kantrakt z «Biełaruśkalijem» za represii suprać strajkoŭcaŭ. U 2020—2021 hadach jon adbyŭ 100 sutak u IČU ŭ Salihorsku i Starych Darohach.
Administracyja «Biełaruśkalija» zvolniła Bokuna «za parušeńnie pracoŭnaj dyscypliny», adnak sam jon rascaniŭ heta jak adzin z prykładaŭ represij za inšadumstva. Paźniej Bokun emihravaŭ u ZŠA i padaŭ dakumienty na atrymańnie palityčnaha prytułku.
Infarmacyja pra toje, što Bokun źmieščany ŭ imihracyjnuju turmu, źjaviłasia ŭ kancy vieraśnia.
Ciapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1313
Kamientary
Choć hety paraiŭ, bo zusim nia viedali što i rabić.