Viadomaha biznesmiena Juryja Marozava asudzili ŭ Minsku pa palityčnaj spravie. Žonku pasadzili taksama
Kryminalnuju spravu suprać 60‑hadovaha biznesmiena i byłoha hanarovaha konsuła Biełarusi ŭ Mieksicy Juryja Marozava razhledzieli ŭ Minskim haradskim sudzie 29 kastryčnika. Jaho abvinavacili pavodle č. 1 art. 342 (aktyŭny ŭdzieł u dziejańniach, što hruba parušajuć hramadski paradak) i č. 1 i 2 art. 361‑4 (sadziejničańnie ekstremisckaj dziejnaści) Kryminalnaha kodeksa, paviedamlaje «Viasna».
Sutnaść abvinavačvańnia pravaabaroncam nieviadomaja. Juryju pryznačyli piać hadoŭ kałonii va ŭmovach uzmocnienaha režymu.
Viadoma, što Juryj Marozaŭ žyvie ŭ Minsku. Razam z žonkaj Marynaj jany vychoŭvajuć dźviuch dočak. Pavodle infarmacyi Belpol, Marozaŭ uznačalvaŭ kampaniju «Biełfarmajs», jakaja zajmałasia aptovym handlem farmaceŭtyčnymi, vieterynarnymi, miedycynskimi i artapiedyčnymi tavarami. Jon byŭ adnym sa stvaralnikaŭ biełaruska-niamieckaha pradpryjemstva «Biełfarm», a taksama jaho hienieralnym dyrektaram.
U aficyjnych dakumientach paznačana, što ŭ 1997—2004 hadach jon uvachodziŭ u sakrataryjat Savieta Respubliki i Pałaty pradstaŭnikoŭ. Padčas pieradvybarčaj kampanii jon prypyniŭ siabroŭstva ŭ Abjadnanaj hramadzianskaj partyi, a ŭžo ŭ traŭni 2001 hoda ŭznačaliŭ deputackuju hrupu «Adzinstva».
Akramia palityčnaj i biznes-dziejnaści, Marozaŭ byŭ hanarovym konsułam Biełarusi ŭ Mieksicy. U 2016 hodzie Juryj Marozaŭ taksama fihuravaŭ siarod akcyjanieraŭ minskaj kramy «Łakomka».
Jahonuju žonku Marynu Marozavu asudzili ŭ sudzie Savieckaha rajona h. Minska pavodle č. 1 art. 342 Kryminalnaha kodeksa (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich). Joj pryznačyli dva hady kałonii va ŭmovach ahulnaha režymu. 17 kastryčnika žančynu ŭnieśli ŭ «śpis ekstremistaŭ».
Suzasnavalnika Wargaming prysudzili da 13 hadoŭ źniavoleńnia i štrafu na 2,1 miljona rubloŭ
Pasadzili padpałkoŭnika i byłoha vykładčyka Vajskovaj akademii. Jon padtrymaŭ narod u 2020-m
Vykładčycy Homielskaha mieduniviersiteta dali kałoniju pa šaści palityčnych artykułach za aktyŭnaść u telehramie
Trom žančynam dali kałoniju i vielizarnyja štrafy za dvarovy čat. Siarod ich 62‑hadovaja zavuč
Łukašenka: Raman Pratasievič — daŭni supracoŭnik biełaruskaj raźviedki59
Kamientary