Niadaŭna kampanija EPAM abviaściła pra novuju prahramu zvarotnaha vykupu akcyj abjomam da $1 miljarda. Na hetym fonie jaje kaštoŭnyja papiery rastuć.
EPAM maje namier vykuplać akcyi na adkrytym rynku, u pryvatnych ździełkach i inšymi sposabami. Prahrama raźličana na dva hady. Ale kampanija maje prava prypynić abo spynić vykup u luby momant.
Pavodle słoŭ finansavaha dyrektara Džejsana Petersana, u EPAM upeŭnieny ŭ ustojlivaści biznesu, tamu što try kvartały zapar raście vyručka. U vyniku kampanija maje namier vykarystać rynačnuju situacyju i viartać kapitał akcyjanieram, inviestujučy pry hetym u biznes i prahramu raźvićcia štučnaha intelektu.
Na fonie hetych navin cana papier kampanii pieravysiła $156. U minuły raz EPAM zapuskała padobnuju prahramu ŭ lutym 2023 hoda, ale mierkavany abjom vykupu byŭ $500 młn, to-bok udvaja mienšy. Pry hetym akcyi kampanii tady kaštavali ŭdvaja daražej — $338.
Nahadajem, što 1 vieraśnia zasnavalnik i hiendyrektar EPAM Arkadź Dobkin pierajšoŭ na pasadu staršyni rady dyrektaraŭ, a novym CEO kampanii staŭ Bałaž Fieješ, raniej jon byŭ kiraŭnikom pa hłabalnym biznesie i dyrektaram pa dachodach.
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary