Łukašenka pra čynoŭnikaŭ: Pabudzie niedzie ŭ miescach nie tak addalenych — załaty čałaviek

«Sumna, ale ŭ Viciebskaj vobłaści nie ŭsie mianie pačuli, — skazaŭ Łukašenka. — My analizujem situacyju ŭ vobłaści. Jana sumnaja. Jana horš, čym dzie-niebudź, i navat pa tych pytańniach, jakija dla mianie zamiežavyja i nieprymalnyja, jak pahibiel žyvioły, — u vas 140% rost da ŭzroŭniu minułaha hoda. Heta dla mianie nieprymalna», — padkreśliŭ jon.

«Biezzakońni ŭ Viciebskaj vobłaści, pra jakija z fatahrafijami dakładaŭ mnie Kamitet dziaržkantrolu, charakternyja dla ŭsioj krainy. Tamu hubiernatary ŭsie tut. Zamiest kankretnaj pracy i niachaj nievialikich, ale realnych pazityŭnych zruchaŭ vy praciahvajecie zajmacca prypiskami i falsifikacyjaj infarmacyi, — skazaŭ Łukašenka. — Karmy nibyta jość, ale jany paŭsiudna niejakasnyja — u kožnaj piataj sielhasarhanizacyi ŭ pałovie rajonaŭ respubliki vyjaŭleny parušeńni. Zamiest sienaža na ŭliku ŭ vas «hniłaž».

Taksama Łukašenka vykazaŭsia nakont vieterynaryi: «Dahulalisia, što asobnyja haspadarki ŭvohule vakcynacyju nie pravodziać, a ŭ inšych lečać praterminavanymi vietpreparatami. Što vy tvorycie? Vy zamiest lekaŭ upyrskvajecie cialatam jad — praterminavanyja leki. Heta narmalna? U vas vieterynarnyja kadry zamiest taho, kab vykonvać svaje pramyja abaviazki, prydumlajuć novyja sposaby schavać pahibiel».

Pa jaho słovach, ahułam situacyja ŭ vobłaści žachlivaja.

«Ja ŭbačyŭ, Alaksandr Michajłavič (staršynia Viciebskaha abłvykankama Alaksandr Subocin. — NN), žachlivuju situacyju ŭ Viciebskaj vobłaści. Žachlivaja biezadkaznaść źnizu da vierchu. A my nižni płast uziali. Čym dychajuć načalniki, ja viedaju.

Ja tolki što skazaŭ: ad strachu, kali patrabuješ i inšaje, a nie daj boh, dzie-niebudź pabudzie ŭ miescach nie tak addalenych — załaty čałaviek. Załaty čałaviek! Paviercie, ja naziraju za hetym, tolki i viedaju: adzin pryjšoŭ, paprasiŭ taho adpuścić, jon budzie tam pracavać, treci, piaty — hory źviartajuć. Usie mohuć! Ale čamu vy nie robicie heta ŭ spakojnym režymie?

Vy dumajecie, u mianie heta mima prachodzić, voś pasvarylisia, pašumieli, pašumieli tam, pakryčali, navat matnych paru słoŭ kamuści skazaŭ. I ŭsio tak prajšło. Dy nie, ja vielmi emacyjny, usprymalny čałaviek, i mnie chaciełasia b z vami pracavać pa-dobramu. Ale z vami niemahčyma pracavać pa-dobramu, kali bačyš, što adbyvajecca», — skazaŭ jon.

• 0
• 0
• 13
• 7
• 1
• 0
• 0
• 0