U ES prakamientavali situacyju ź biełaruskimi mieteazondami nad Litvoj
Jeŭrakamisija i Rada staršyniaŭ ES vykazali padtrymku Litvie, jakaja zmahajecca ź biełaruskimi mieteazondami. Lidary ES nazvali dziejańni Biełarusi hibrydnaj atakaj, paviedamlaje Delfi.lt.
«Jeŭropa całkam salidarnaja ź Litvoj, jakaja sutyknułasia z rehularnym uvarvańniem kantrabandysckich mieteazondaŭ u pavietranuju prastoru. Heta destabilizacyja. Heta pravakacyja. My nazyvajem heta svaim sapraŭdnym imiem: hibrydnaja pahroza. My nie imkniemsia heta tryvać. Heta jašče adna pryčyna dla paskareńnia našych inicyjatyŭ — nazirańnia za ŭschodnim fłanham i ažyćciaŭleńnia inicyjatyvy jeŭrapiejskaj abarony suprać dronaŭ», — napisała ŭ sacyjalnaj sietcy kiraŭnica JEK Ursuła fon der Lajen.
Ź joj pahadziŭsia i prezident Jeŭrapiejskaj rady Antoniu Košta. «Poŭnaja salidarnaść z žycharami Litvy paśla pastajannych pravakacyjnych dziejańniaŭ Biełarusi suprać ES i jaho dziaržaŭ-členaŭ. Heta hibrydnaja dziejnaść pavinna spynicca, a Biełaruś — spynić dalejšyja incydenty. ES pa-raniejšamu budzie akazvać cisk na režym z-za jaho supracoŭnictva z Rasijaj u vajnie suprać Ukrainy i padtrymlivać abaronu ŭschodniaj miažy ES», — padkreśliŭ Košta.
Kamientary
Vialiki dziakuj za dopis ŭ sacyjalnaj sietcy kiraŭnicy ES Ursule fon der Lajen.