Na Noč rasstralanych paetaŭ Cichanoŭskaja pračytała vierš Alesia Dudara
U hety dzień biełarusy ŭspaminajuć tych, chto zahinuŭ za svaje pohlady, praŭdu i svabodu słova ad ruk savieckich uładaŭ. U takija momanty asabliva vostra adčuvajecca, jak mnoha značyć čałaviečy hołas i mahčymaść być pačutym. U hetym hodzie demakratyčnaja lidarka Śviatłana Cichanoŭskaja abrała dla čytańnia natchnialny vierš Alesia Dudara «I ŭ niaznanaj ćmianaj dali».
«Siońnia hety vierš Alesia Dudara asabliva rezanuje ź biełaruskaj rečaisnaściu. Praz stolki hod jon zastajecca aktualnym i adhukajecca ŭ sercy. Dla mianie hetyja radki — pra pošuk, nadzieju i toje, što navat u ciemry zastajecca śviatło, jakoje nielha źniščyć», — adznačyła Śviatłana Cichanoŭskaja ŭ svaim telehram-kanale.
Aleś Dudar. I ŭ niaznanaj ćmianaj dali
I ŭ niaznanaj ćmianaj dali słovaŭ novych my šukali,
Słovaŭ novych my šukali i nie zdoleli znajści,
A ŭ žytniovym u prastory rassypali pieśni zory,
Rassypali pieśni zory kala voziera ŭ tryści.
I nie dumali nikoli, što ŭ našaj mocy dola.
Što ŭ našaj mocy dola i nie vyrviecca ad nas;
Nie mahło nam i pryśnicca — našych dumak kalaśnica,
Našych dumak kalaśnica — heta śvietu apajas.
Chto ž kazaŭ, što ŭ ćmianaj dali słovaŭ novych my šukali,
Słovaŭ novych my šukali i nie zdoleli znajści?
Novy dzień nie za harami. Naša dola budzie z nami,
Naša dola budzie z nam dniami novymi ćviści.
Aleś Dudar (sapr. Alaksandr Dajlidovič, 1904—1937) — biełaruski paet, krytyk i pierakładčyk. Naradziŭsia ŭ vioscy Navasiołki ciapierašniaha Pietrykaŭskaha rajona. U časy Pieršaj suśvietnaj vajny siamja była ŭ biežanstvie ŭ Tamboŭskaj hubierni.
U 1921 hodzie debiutavaŭ jak paet, byŭ udzielnikam litaraturnaha abjadnańnia «Maładniak» i paźniej «Połymia». Vučyŭsia ŭ BDU, ale praz represii pakinuŭ univiersitet. Nieadnarazova aryštoŭvaŭsia NKVD za svaje tvory i pa palityčnych padazreńniach. 29 kastryčnika 1937 hoda rasstralany ŭ Minsku.
Aleś Dudar stvaryŭ zborniki vieršaŭ i paem, pisaŭ krytyčnyja artykuły i pierakładaŭ z ruskaj, niamieckaj dy francuzskaj moŭ.
Da Nočy rasstralanych paetaŭ Źmicier Daškievič apublikavaŭ vierš, napisany ŭ ŠIZA
Siońnia za miažoj projduć mierapryjemstvy da «Nočy (nie)rasstralanych paetaŭ»
Śpis mierapryjemstvaŭ za miažoj da Nočy rasstralanych paetaŭ
«Los tych, chto viarnuŭsia, byŭ trahičny». 100 hadoŭ tamu biełaruskija palitemihranty pryznali Miensk «adzinym centram»
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary