Lekcyi viciebskaha doktara i palitemihranta Uładzimira Martava pra mozh zrabilisia na jutubie chitom
Viadomy viciebski doktar-reanimatołah Uładzimir Martaŭ, jaki byŭ vymušany pakinuć Biełaruś i ciapier žyvie ŭ Litvie, staŭsia aŭtaram cykła publičnych lekcyj pa niejrabijałohii i psichafizijałohii: jak uładkavany naš mozh, jak jon staŭsia takim i chto jaho padmanvaje, zaŭvažyŭ kanał «Vitiebsk, ja hulaju».
Jahonyja vystupy — pra stres, depresiju, evalucyju i vyśpiavańnie mozhu, śviadomaść i fiłasofiju śmierci — vychodziać na kanale psichołaha i eks-dyrektarki likvidavanaha Hrodzienskaha dziciačaha chośpisa Volhi Vialički, jakaja taksama ŭ emihracyi.
Vypuski Martava rehularna źbirajuć dziasiatki tysiač prahladaŭ.
U niadaŭnich vypuskach jon tłumačyć, jak adroźnić vyharańnie ad depresii, čamu mozh padletka ryzykuje i jak stres moža defarmavać razumovyja pracesy. U inšym — razvažaje pra fienomien śviadomaści, a ŭ apošnim — pra «fiłasofiju śmierci» i strach niebyćcia.
Volha Vialička paviedamlała raniej, što zadumvała cykł ź piaci lekcyj Martava. Ci praciahniecca praz takuju zapatrabavanaść vypusk rolikaŭ, nieviadoma.
Ciapier čytajuć
Najbujniejšuju sietku fastfudu ŭ Biełarusi adkryŭ vychadziec z KDB8
Kamientary