Viciebski doktar Uładzimir Martaŭ, jakoha zatrymlivali ŭ Rasii, niekalki miesiacaŭ tamu zmoh vyjechać u Jeŭropu. Čym ciapier jon zajmajecca?
Uładzimir Martaŭ — adzin ź pieršych biełaruskich miedykaŭ, jaki zahavaryŭ pra sapraŭdnuju śmiarotnaść ad kavidu. U krasaviku 2021-ha Martava zvolnili ź Viciebskaj balnicy chutkaj dapamohi, dzie jon byŭ zahadčykam adździaleńnia aniestezijałohii i reanimatałohii. Mužčyna źjechaŭ z krainy, ale ŭ 2024-m jaho zatrymali na terytoryi Rasii. Paźniej stała viadoma, što doktar Martaŭ zmoh vyjechać u Litvu.
Jak viadoma «Našaj Nivie», doktar dahetul žyvie ŭ Litvie. Ciapier jon sprabuje lehalizavacca i ŭžo niekalki miesiacaŭ čakaje rašeńnia ad mihracyjnych orhanaŭ, raskazali jaho znajomyja.
Martaŭ vyvučaje litoŭskuju movu i razhladaje varyjanty dalejšaj pracy. U siarednim treba dva hady, kab paćvierdzić u Litvie lekarski dypłom, vydadzieny ŭ Biełarusi. Martaŭ, pa słovach siabroŭ, spadziajecca, što ŭ jaho atrymajecca heta zrabić, ale nie nadta vieryć u mahčymaść dalej pracavać reanimatołaham, bo heta zanadta vuzkaja śpiecyjalnaść.
Tamu doktar hatovy da luboj pracy ŭ miedycynie z dypłomam. A ŭ volny čas, jak jon raskazvaje siabram, piša fiłasofskija teksty.
«Naša Niva» — bastyjon biełaruščyny
PADTRYMAĆCiapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva2
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2828
Kamientary