U Salihorsku zaŭvažyli ekskluziŭny aŭtamabil, natchniony «Fordam» 1938 hoda
Na darohach Salihorska zaŭvažyli niezvyčajny aŭtamabil, jaki pryvablivaje ŭvahu minakoŭ i inšych kiroŭcaŭ, a ŭ amataraŭ retra vyklikaje sapraŭdnuju ejfaryju. Što za jon i kolki čaho pajšło na jaho stvareńnie? Vydańnie «Elektronnyj Solihorsk» pahutaryła sa stvaralnikam i ŭładalnikam mašyny.
Uładalnik, jaki akazaŭsia ścipłym surazmoŭcam, padzialiŭsia, što na stvareńnie Ford Coupe Custom Street Rod u jaho pajšło kala troch z pałovaj hadoŭ.
Heta nie pieršaja sabranaja im mašyna. Da hetaha byŭ jašče adzin cikavy prajekt.
«Kastomnaj zborkaj aŭtamabilaŭ ja zachaplajusia daŭno. Kali kazać mienavita pra hety aŭtamabil, to na jaho stvareńnie natchnili aŭtamabili marki «Ford» 1938 hoda. Ruchavik — 3,5 litra ad Infiniti FX35. Kuzaŭ źbiraŭ sam, bieź pieršapačatkovaj bazy. Ciapier jezdžu na mašynie sam», — padzialiŭsia aŭtaamatar.
Taksama salihorac raskazaŭ, što kastomnaja zborka aŭtamabilaŭ — heta nie asnoŭnaja jaho dziejnaść. Zajmajecca jon hetym u volny ad asnoŭnaj pracy čas. Cikavyja zadumki i płany jość, ale havaryć pra ich pakul rana.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA116
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary