«Hetyja abmieny mohuć praciahvacca biaskonca». Naŭsieda sumniajecca, što sproba ZŠA anhažavać Łukašenku daść tołk
Prezident Litvy kaža, što ZŠA sprabujuć addalić Minsk ad svajho sajuźnika Rasii praz aktyvizacyju dyjałohu ź Biełaruśsiu, ale sumniavajecca ŭ pośpiechu.
«Złučanyja Štaty sprabujuć addalić Biełaruś ad Rasii, i ja dumaju, što ŭ nas budzie mahčymaść ubačyć, ci pryniasie takaja palityka realnyja vyniki, i ŭ najbližejšyja miesiacy, mahčyma, hady, my ŭbačym, ci sapraŭdy mahčyma izalavać Łukašenku ad Pucina», — skazaŭ Naŭsieda ŭ intervju prahramie «Tema dnia» na televizijnym kanale LRT.
«Ja całkam pierakanany, što heta niemahčyma, tamu što nitki zaležnaści nastolki tuhija i ich tak šmat, što hety čałaviek nie zmoh by addalicca ad Pucina, navat kali b chacieŭ, bo jaho dziaržava całkam zaležyć ad Rasii jak finansava, tak i ekanamična. Adnak pasprabavać možna», — dadaŭ litoŭski lidar.
Naŭsieda skazaŭ heta paśla taho, jak prezident ZŠA Donald Tramp u niadzielu pryznačyŭ Džona Koŭła śpiecyjalnym pradstaŭnikom pa Biełarusi.
U toj ža čas Tramp zajaviŭ, što hety krok nakiravany na pieramovy ab vyzvaleńni bolšaj kolkaści palitviaźniaŭ ź Biełarusi. Prezident Litvy skazaŭ, što humanitarnyja mety, pastaŭlenyja administracyjaj ZŠA, «vielmi važnyja i hodnyja pavahi», adnak, vyzvalajučy źniavolenych, biełaruski režym nie ščyry.
«Prablema ŭ tym, što častku źniavolenych vyzvalajuć, ale sotni novych tut ža kidajuć u turmy. (…) Hetyja abmieny mohuć praciahvacca biaskonca, i vynik budzie vielmi ciažka acanić», — skazaŭ Naŭsieda.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju3
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski44
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski4
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
Kožny raz ździŭlajusia jak ža litoŭcy ni chalery nie viedajuć pra svajho susieda.
Na prošłym tydni adzin deputat Siejma kazaŭ, što Biełaruś žyła na Jeŭrapiejskija hranty. Zaraz Nausieda kaža, što Biełaruś "całkam" zaležyć ad Rasii.
Nu da, kali heta "całkam", to tady Litva tak ža całkam zaležyć ad Briusiela.
Kolkaść niamieckich žaŭnieroŭ ch u Litvie zaraz bolš, čym rasiejskich u Biełarusi. No nichto ž nie kryčyć, što jany "satelit" Hiermanii.
Łukašenka ŭžo tryccać hadoŭ hulaje ŭ hetu hulniu pamiž Uschodam i Zachadam, a litoŭcy jak z Łuny zvalilisia.
Ale jak možna adciahnuć Biełaruś ad Rasii, kali biełaruski narod žyć nie moža biez rasiejskaha, navat mihranty u Litvie i Polščy. Pra biełarusaŭ u Biełarusi nie kažučy. Voś tut prablema.
I siońniašnija ŭłady Letuvy faktyčna dziejničajuć u rečyščy niamieckaj palityki.