«Babaryka byŭ by hodnym prezidentam, ale chunta pazbaŭlajecca ad razumnych ludziej kryminalnymi mietadami». Što pišuć ludzi pra bankira
Viktar Babaryka ŭžo bolš za piać hadoŭ zastajecca ŭ źniavoleńni. Śviedčańni byłoha palitźniavolenaha Ihara Łosika pra toje, jak u kałonii abychodziacca z papularnym pretendentam na pasadu prezidenta, jaki padaryŭ ludziam nadzieju ŭ 2020-m, vyklikała chvalu abmierkavańniaŭ.
«Mocny, hodny čałaviek»
Najbolš łajkaŭ atrymała zaŭvaha:
«Viktar Babaryka, mocny čałaviek i byŭ by hodnym prezidentam, ale chunta pazbaŭlajecca ad razumnych ludziej kryminalnymi mietadami. Trymajsia Viktar Dźmitryjevič, sił i zdaroŭja tabie».
Ludzi ŭpeŭnienyja, što ŭ 2020-m, kali b Babaryka byŭ dapuščany da ŭdziełu ŭ vybarach, jon by pieramoh.
Mnohija nazyvajuć jaho «hodnym čałaviekam».
Pavodle mierkavańnia mnohich, Babaryka znachodzicca ŭ źniavoleńni, tamu što režym jaho baicca:
«Ich prybirajuć, značyć bajacca».
Jość i takoje mierkavańnie: «Babaryka — heta vam nie Cichanoŭski. Hodny pretendent. Takich aścierahajucca».
Ludzi ŭpeŭnienyja, što pryjdzie čas, i Łukašenku daviadziecca nieści adkaznaść za svaje dziejańni:
«Nivodzin dyktatar pa suśvietnaj historyi nie skončyŭ dobra. Našaha čakaje toje ž samaje».
«Ale ž chutka ŭsio heta skončycca, pryjdzie čas, kali za ŭsio daviadziecca adkazać nie tolki pierad narodam, ale i pierad Hospadam. Jak by tam ni było, usio adno daviadziecca adkazać sistemie i chto naviersie».
«Nie vieru!! U Biełarusi ŭsio humanna!!»
Adnak znajšlisia i tyja, chto padtrymlivaje źniavoleńnie palityčnych praciŭnikaŭ režymu.
«Nie vieru!! U Biełarusi ŭsio humanna!! Navat u turmie ŭsio ŭ miežach zakona. Ułada b nie dapuściła, kali b viedała. Nu, a na miescach svaje «fiški», za ich ułada nie ŭ adkazie».
«Naša kraina. Camyja dobryja i mirnyja ludzi. I samaje hałoŭnaje ŭsio zakonna»
«Akazvajecca, zdrada krainy karajecca».
Inšyja zaklikajuć ich apamiatacca i narakajuć na ŭpłyŭ prapahandy:
«Ludzi, apamiatajciesia».
«Zaciamnili ludziam rozum całkam i jany nie chočuć vieryć u toje, što adbyvajecca».
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty21
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1414
Kamientary