Inha Ruhinienie kaža, što pakul iduć dyskusii adnosna mahčymych pieramoŭ ź Biełaruśsiu, vykarystoŭvajucca ŭsie dypłamatyčnyja kanały, adnak čakajecca pieršy krok ź Minska, paviedamlaje LRT.
«Sapraŭdy ŭsie dypłamatyčnyja kanały aktyvavany, kab vyrašyć situacyju. I miežy ź Biełaruśsiu nie začynienyja prosta tak — jany začynienyja z-za hibrydnaj ataki. Jak tolki my atrymajem paćviardžeńnie z boku Biełarusi, što ataki ŭrehulavanyja (…), my prymiem rašeńnie adkryć miažu», — u čaćvier žurnalistam skazała premjer.
Učora ministr zamiežnych spraŭ Biełarusi Maksim Ryžankoŭ zajaviŭ, što aficyjny Minsk hatovy da pieramoŭ u luby momant, na luboj terytoryi i biez papiarednich umoŭ.
«Kali litoŭski bok sapraŭdy hatovy zachoŭvać intaresy svaich hramadzian, sapraŭdy hatovy vybudoŭvać svaje dziejańni ŭ adpaviednaści z patrebami i patrabavańniami tych pradprymalnikaŭ, jakija ŭ ciapierašni čas pakutujuć ad hetych adnabakovych mier Litoŭskaj Respubliki, to jon u najbližejšy čas pazityŭna adkaža na našy prapanovy», — skazaŭ učora ministr.
Litva zakryła miažu ź Biełaruśsiu ŭ kancy kastryčnika da 30 listapada. Pryčynaj stali nieadnarazovyja parušeńni pavietranaj prastory krainy mietearałahičnymi zondami, što pryvodziła da paralizacyi pracu aeraporta Vilni.
Łukašenka ŭčora pryniaŭ z dakładami ministra zamiežnych spraŭ Maksima Ryžankova, staršyniu Pamiežnaha kamiteta Kanstancina Mołastava i ministra ŭnutranych spraŭ Ivana Kubrakova. Narada tyčyłasia situacyi na biełaruska-litoŭskaj miažy, a taksama litoŭskich furaŭ, što akazalisia zabłakavanymi ŭ Biełarusi.
-
Na radzimie Kastusia Kalinoŭskaha bura paškodziła staryja mohiłki. Pravasłaŭnaja parafija prosić dapamohi — abo hrašyma, abo chto moža pryjechać ź bienzapiłkaj
-
Stała viadomaja pryčyna niadaŭniaha pažaru ŭ centry Minska
-
«Dabralisia i da sabak». Mikoła Statkievič raskazaŭ pra śpiecapieracyju suprać jahonych hadavancaŭ
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam5
Kamientary