Hihin: Histaryčnuju praŭdu tranślujem u tym liku ŭ sacsietkach, i moładź nas čuje
Razmaŭlać z moładździu i danosić joj histaryčnuju praŭdu varta na ŭsich placoŭkach, u tym liku i ŭ sacyjalnych sietkach. Takim mierkavańniem padzialiŭsia hienieralny dyrektar Nacyjanalnaj biblijatekii, deputat Pałaty pradstaŭnikoŭ Nacyjanalnaha schodu Vadzim Hihin na Ill Forumie Sajuznaj dziaržavy «Rasija i Biełaruś: ahulnaja historyja, ahulny los», piša BiełTA.
Za apošnija hady, asabliva za apošnija piać hadoŭ, u praviadzieńni histaryčnaj palityki jak u Biełarusi, tak i ŭ Rasii dasiahnuta niamała pośpiechaŭ, adznačyŭ Vadzim Hihin.
«Možna kazać pra skaardynavanuju dziaržaŭnuju palityku ŭ našych krainach. Hetamu jość dokazy. Heta nie tolki sumiesnyja navukovyja daśledavańni, uzhodnienaja praca pry vypracoŭcy navučalnych prahram, ale i rehularnyja kansultacyi na ŭzroŭni dziaržaŭnych instytutaŭ, jakija ažyćciaŭlajuć hetuju palityku», — padkreśliŭ jon. Da mahčymych supiarečnaściam, jakija zaŭsiody niepaźbiežnyja pry traktoŭcy tych ci inšych padziej, treba stavicca spakojna, ličyć Vadzim Hihin.
«Toje, što jość vostryja pytańni, heta kaža ab adkrytaści navukovaha pošuku, ab tym, što my z vami pravodzim sapraŭdy plonnuju pracu», — upeŭnieny jon.
«Falsifikacyja — heta ŭśviadomlenaja, zamoŭlenaja, jak praviła, palityka, nakiravanaja na skažeńnie faktaŭ, i z hetym my pavinny vieści baraćbu, i my heta robim. Nami viadziecca sistemnaja praca pa zachavańni histaryčnaj pamiaci razam z Rasijaj. Hetaja praca vielmi napružanaja, z aporaj na navukovyja daśledavańni, i jana patrabuje pošuku kansensusu, — raspavioŭ hiendyrektar.
— Toje, što my heta robim i paznačajem haryzonty sumiesnych daśledavańniaŭ, heta vielmi važna. Pahladzicie, jak my pa-novamu zahavaryli pra złačynstvy akupantaŭ, jak my stali kazać pra inšyja epizody našaj historyi.
My idziem na placoŭki sacyjalnych sietak, u tyja prastory, dzie znachodzicca naša moładź, i jana nas čuje. Kali my kažam praŭdu i danosim jaje cikava, to moładź čuje. Ale lubaja praŭda, jakuju my tranślujem u tych ža sacsietkach, pavinna abapiracca na knihi i navukovyja daśledavańni. My z vami ŭsie znachodzimsia na froncie baraćby za histaryčnuju praŭdu. I robim heta ŭpeŭniena, ź vieraj, z aporaj na viedy, a heta źjaŭlajecca załoham pośpiechu».
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho8
Kamientary