«Niasu svoj kryž praz žyćcio…». U palitviaźnia z amputavanaj nahoj Uładzimira Hundara pahoršała zdaroŭje
Asudžanamu na 20 hadoŭ palitviaźniu Uładzimiru Hundaru spatrebilisia novyja, macniejšyja akulary. Hundar paskardziŭsia na paharšeńnie zroku, bo nie ŭ stanie narmalna čytać i pisać listy, piša Radyjo Svaboda.
«Novyja akulary palitviaźniu padbirajuć», — paviedamiła pra Hundara krynica, daśviedčanaja ŭ jahonych spravach. Heta ŭžo druhi raz za čas źniavoleńnia, kali Uładzimir Hundar musić mianiać akulary na macniejšyja.
U Uładzimira Hundara vyšej za kalena amputavanaja adna naha. U źniavoleńni jon z 2020 hoda, u turmie jamu niazručna karystacca pratezam, i jon vymušany pierasoŭvacca na mylicach, što ŭ turemnych umovach taksama vialikaja prablema.
Z kastryčnika 2023 hoda Uładzimira Hundara trymajuć u mahiloŭskaj turmie № 4 na turemnym režymie. U źniavoleńni jon vyvučaje Bibliju, piša vieršy, u listach dzielicca nazirańniami za pryrodaj, a taksama dumkami i ŭspaminami. Vynik jaho apošnich razvah — cykł zapisaŭ pra važnaść žyćcia.
«— Na hetaj dzivosna pryhožaj ziamli žyvu ja, i jaje mocna palubiła duša maja, dla mianie žyć na ziamli — vialikaje ščaście. Žyćcio — skarb najdaražejšy na ziamli, i ja ŭdziačny Bohu i losu za žyćcio, daravanaje mnie.
— I ja, nie hublajučy viery i mužnaści, žyvu, praz zmrok svoj kryž praz žyćcio niasu, i ŭ kožnym mocnym i hučnym stuku serca žyvie ceły suśviet niezabyŭnych pačućciaŭ.
— Čałaviek usio svajo isnavańnie šukaje ščaście i radaść, nie razumiejučy, što ščaściem jon užo vałodaje — žyćcio i jość ščaście. Pavinien radavacca, a jon usio ščaście i radaść šukaje…
— Žyćcio čałavieka dzivosna pryhožaje ŭ lubych jaho prajavach: u ščaści i navat u biadzie — najdaražejšy skarb. A čałaviek časta byvaje niaŭdziačny. Luboŭ i kaštoŭnaść žyćcia zmałku treba pryvivać».
Uładzimir Hundar byŭ asudžany na 20 hadoŭ źniavoleńnia pa abvinavačańni ŭ teraryźmie ŭ spravie Mikałaja Aŭtuchoviča. Taksama jaho abvinavacili ŭ napadzie na milicyjanta za toje, što padčas aryštu jon raźbiŭ svoj mabilny telefon.
Pravaabaroncy pryznali Hundara palitviaźniem, jon uklučany ŭ śpis palitviaźniaŭ, jakija pavodle stanu zdaroŭja znachodziacca ŭ niebiaśpiečnym stanoviščy. U 2023 hodzie, padčas znachodžańnia ŭ karcary haradzienskaj turmy, Uładzimir Hundar skardziŭsia na stratu słychu na adno vucha, paźniej słych častkova adnaviŭsia.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary
łukašienki tožie poniesut svoj kriest, do diesiatoho kolena, i kriest očień tiažiołyj......
Otoljutsia im, iz-za ich prikazov i ich riešienii, nievinnyje śmierti i połomannyje sud́by biełarusov.....