Futbolnaja zbornaja adpraviłasia ŭ Daniju na matč adboračnaha turniru čempijanatu śvietu pa futbole.
Tradycyjna jany dabiralisia na hulni ŭ Jeŭropy praz aeraport Vilni, ale paśla zakryćcia biełaruska-litoŭskaj miažy było vyrašana dabiracca da Varšavy.
Kamanda vyjechała aŭtobusam ź Minska a vośmaj viečara ŭ čaćvier, biełaruskuju miažu prajšła za paŭtary hadziny. A čas čakańnia na niejtralnaj pałasie i nastupnaje prachodžańnie polskaha prapusknoha punkta skłała bolš za 12 hadzin.
Pa hetaj pryčynie Asacyjacyi Biełaruskaja fiederacyja futbołu pryjšłosia dadatkova ŭzhadniać źmienu raskładu vyletu čartarnaha rejsu pa maršrucie «Varšava — Kapienhahien», jaki byŭ zakazany zahadzia z metaj spraščeńnia łahistyki da miesca praviadzieńnia matča.
Ahułam šlach ź Minska da polskaj miažy skłaŭ 18 hadzin.
Pa stanie na 14:00 piatnicy na pierachodzie «Brest» stajać 90 aŭtobusaŭ.
Matč adboračnaha turniru sa zbornaj Danii projdzie ŭ subotu ŭ Kapienhahanie i pačniecca ŭ 22:45 pa biełaruskim časie. Biełaruskaja zbornaja prajhrała ŭsie čatyry papiarednija hulni, u tym liku Danii ŭ Vienhryi 0:6 i straciła navat tearetyčnyja šancy na druhoje miesca ŭ hrupie, što daje pucioŭku ŭ płej-of.
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin6
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»1919
Kamientary