U MNS raskazali, čamu pry pošuku Maksima Ziańkoviča ŭ Biarezinskim rajonie ad pačatku nie zadziejničali avijacyju
Situacyju patłumačyŭ na pres-kanfierencyi pieršy namieśnik načalnika respublikanskaha atrada śpiecyjalnaha pryznačeńnia «ZUBR» Ministerstva pa nadzvyčajnych situacyjach Andrej Miacielski.
«Prymianieńnie avijacyi ŭ pieršy dzień taksama nie dało b efiektu, tamu što hetak ža sama byli niespryjalnyja ŭmovy nadvorja, jakija nie davali mahčymaści paŭnavartasna zadziejničać kvadrakoptary. Jany nie dali b padniacca i viertalotu. Ale pry hetym, kali b my navat pačali zadziejničać viertalot, my nie zmahli b zadziejničać koptary, jakich u momant znachodžańnia 13 adnačasova było ŭ pavietry», — patłumačyŭ Andrej Miacielski.
Adnačasovaje vykarystańnie koptaraŭ i viertalotaŭ, pa jaho słovach, niemahčymaje, bo jany nie mohuć zajmać adnu i tuju ž pavietranuju prastoru. Da taho ž ź viertalota ŭ tym tumanie, jaki byŭ, usio adno niemahčyma było b ničoha razhledzieć. Pry hetym, pakolki viertalot byŭ by adzin zamiest 13‑ci koptaraŭ, to zona pošuku nie pašyrałasia b, a, naadvarot, źmianšałasia b.
Pry hetym technična koptary ŭ biełaruskaha MNS vielmi technična prasunutyja:
«Koptary ŭ nas zabiaśpiečanyja mahutnymi ciepłavizijnymi kamierami, tamu lasny masiŭ, zaraśniki, kali heta nie hustaja krona, dazvalajuć znajści čałavieka, jakoha vizualna nie bačna».
Mienavita tamu, śćviardžaje Andrej Miacielski, prymianieńnie avijacyi ź pieršych dzion pošuku chłopčyka było niemetazhodnym, u toj čas jak bieśpiłotnyja aparaty byli zadziejničanyja z samaha pačatku.
Nahadajem, što 8 listapada kala 10‑j hadziny 14‑hadovy Maksim Ziańkovič źjechaŭ na viełasipiedzie ad doma dziaduli ŭ vioscy Karbaŭskaje Biarezinskaha rajona, i źnik. Znajšli cieła chłopčyka tolki 13 listapada kala 15 hadzin — u bahnistaj miascovaści pablizu vioski Nieścieraŭka.
Nazvali papiaredniuju pryčynu śmierci 14‑hadovaha Maksima Ziańkoviča, jakoha šukali niekalki dzion
«Miesca raniej nie praviarałasia». Rajon, dzie znajšli zahinułaha Maksima Ziańkoviča, pieršapačatkova praihnaravali
Źnikły 14‑hadovy Maksim Ziańkovič znojdzieny miortvym
«Dzicia źnikła — nie zmoh zastacca doma». Šosty dzień pošukaŭ Maksima Ziańkoviča
«Nam nie patrebny emocyi — patrebna dapamoha». Mama źnikłaha čatyry dni tamu Maksima raspaviała pra pošuki syna i padtrymku ludziej
«Jak skroź ziamlu pravaliŭsia». Trecija sutki iduć pošuki źnikłaha padletka ŭ Biarezinskim rajonie
Ciapier čytajuć
Dzie była źnikłaja Jana ŭ svoj apošni dzień i dzie jaje znajšli KARTA2
Kamientary